Saturday 8 November 2008

Kirbet Qeiyafa 刻文



繼冇幾耐之前提及過o既<基督杯>後, 最近又多一個考古發現得到好多注目同討論. 兩個星期前, 以色列考古學家發表, 喺一個叫做 Kirbet Qeiyafa o既地方, 發掘出一塊寫有文字o既陶器碎片. Kirbet Qeiyafa 鄰近 Valley of Elah - 聖經故事中, 大衞大戰巨人歌利亞o既著名場景.

學者相信呢塊碎片年前極早, 大約來自 1000 BCE. 學者仲未能夠完成翻譯上面寫o既文字 (因為太早期, 佢地唔熟識呢種字體), 不過佢地相信係希伯來文. 如果係真, 咁就係現有最早o既希伯來文. 對了解希伯來文o既歷史同演變會係非常重要o既資料.

現時我仲未見到有翻譯或 transcription, 相信係因為學者仲未搞掂呢段嘢. 不過最令人大惑不解o既係點解連張好 d o既相都冇. 而家網上流傳o既相片都係類似上面呢張, 唔知個攝影師係咪有男人手情意結, 有條契弟隊隻手埋去遮晒成個鏡頭咁滯, 乜字都睇唔到. 唔知佢地搞邊科.

Wednesday 5 November 2008

魏如昀: 傻





正呀, 之前就好鍾意魏如昀, 所以聽到佢籌備緊張 CD 嗰時就已經好期待. 結果亦冇令我失望, 碟內幾乎全部歌都係佢自己寫o既, 而我又好 buy 佢嗰種風格, 所以覺得呢隻碟入面好多歌都好聽, 同佢把聲同唱腔又夾, 我覺得好正.

最鍾意係隻主題曲<傻>, 同佢之前喺歌唱比賽中唱嗰個版本唔同. 原來嗰個版本我都好鍾意, 成日喺 youtube 翻聽, 但係呢個新版亦好鍾意, 聽落有 feel . 希望今次第一隻碟賣得好, 已經開始期待佢第二隻碟.