Thursday, 30 October 2008

Mrs. 摩西?

今年我 TA 嗰科叫做 Modern Study of the Bible, 好過癮, 雖然係一年級o既科目, 但係我自己都學到唔少新知識, 接觸一 d 之前唔多識o既嘢.

早兩個禮拜講摩西律法, 其中民數記講到摩西有個 Cushite 老婆: "摩西娶了古實女子為妻.米利暗和亞倫、因他所娶的古實女子、就毀謗他" (民數記 12.1). 但係心水清o既人, 就會諗起, 聖經多次提及摩西有個外父 (有時叫 Jethro [出埃及記 3.1; 18.1], 有時叫 Reuel [民數記 10.29]), 係一個米甸祭司, 係一個 Midianite, 一個米甸人, 咁摩西應該有個米甸老婆先係, 點解呢度又話佢有個古實老婆呢?

古實同米甸係兩個唔同o既地方. 米甸喺北阿拉伯, 而古實就喺埃及以南, 係一個非洲黑人o既地方, 所以一個古實女人應該係一個黑人. 有學者, 如 Martin Noth, 指出哈巴谷書 3.7 將古珊 (Cushan) 同米甸放喺一個平衡句入面, 所以可能古實同米甸其實係同義. 但係 Cush 同 Cushan 雖然相似, 但畢竟唔係同一隻字, 呢個解釋我唔能夠接受.

最直接o既解釋就係, 聖經話摩西有至少兩個老婆, 一個係米甸祭司個女, 另一個係個古實黑妹. 另外, 可以留意o既係, 米利暗由於摩西個古實老婆想去玩嘢, 上帝俾佢o既刑罰係"米利暗長了大痲瘋、有雪那樣白" (民數記 12.10). Frank Moore Cross 認為, 黑對白, 係聖經刻意而有心思o既安排.

嘩, 一夫多妻, 摩西, 你真識食.

0 comments: