Saturday, 9 August 2008

RPG 玩家恩物



我一向都係打 RPG 大. 當然, 好多其他類型o既 game 我都鍾意玩, 例如早排打 MGS4, 就好鍾意, 真係一個非凡o既經歷. 不過, 最吸引我o既, 始終都係 RPG. 不過, 我真係要講, 到而家為止, 幾部新o既遊戲機已經出咗幾年, 但係都仲未出過一個真正好o既 RPG.

XBOX 360 有好多所謂 "RPG 大作", 但係老實講, 我覺得全部都係垃圾. Blue Dragon 由故事到角色性格都非常幼稚, 係得畫面夠清, 實在冇乜可取之處. 至於亦將會喺 PS3 上推出o既 Eternal Sonata, 亦係麻麻. 雖然畫面唔錯, 配樂出色, 但係故事極差, 無無謂謂走來走去打怪物, 好無聊, 對白又寫得悶, 周不時由 d 角色講成半粒鐘獨白, 悶過聽道. 開始幾粒鐘, 覺得其中一個角色係蕭邦都幾過癮, 但係其實玩落就知呢個 idea 好無謂, 因為佢係蕭邦同故事無關, 而每個 chapter 之間加插講關於蕭邦生平o既片段亦係無謂, 同故事主線無關. 基本上, 蕭邦喺呢隻 game 入面只係一個用得好差, 令人失望o既綽頭. 至於最近雷聲大o既 Lost Odyssey, 亦係令人失望之作. 人物設計雖然出自名家, 但係其實除咗主角同佢老婆之外, 個個都好Q醜樣, 奸角又冇型. 雖然用成四隻 DVD 咁多, 但係其實畫面都唔係好靚, 只算普通. 而最大問題又係故事, 唔夠吸引, 幾位主角亦魅力極低, 我咁鍾意玩RPG都冇動力玩到尾. 呢幾隻所謂"大作", 比起PS2上面畫面差幾倍o既正 game 如 Shadow Hearts 2, Xenosaga 1 + 3, 真係天比同地比. 畢竟RPG就係要有好故事, 好角色, 對白寫得好, 唔係就點搞都係爛 game.

講返主題. 我發覺, 雖然我有 360, PS3, wii, 但係最近最多好 RPG 俾我玩o既係 PSP!!! 有兩個原因點解 PSP 係 RPG 玩家恩物. 首先, 可以喺 PSP 上面玩返 PSone d 舊 game. 而家我就玩緊之前成日聽人講, 但係未玩過, 而家俾人炒到成舊水一隻二手正版 game o既經典, 幻想水滸傳2, 仲要係英文版, 唔係日文, download 就有, 唔使買. 而家我只玩到一半咁上下, 但係真係好正, 故事刺激, 幾位主角之間關係有深度, 好想玩落去睇佢地結局如何, 論故事質素, 比起其實水準亦相當高o既幻想水滸傳5 仲有過之而無不及, 好玩過而家 360 上任何一隻 RPG 幾倍. PSone 有好多有質素o既 RPG, 仲有 Xenogears, FF 7-9, Vagrant Story, Legend of Dragoon, Chrono Cross, 只係翻玩都有排玩.

第二, 其實有好多好o既 RPG 只有日文版, 冇英文版. 但係, PSP 有好幾隻 RPG 都有漢化版, 例如英雄傳說 5 同 6, 我玩完水滸傳2 就會開始玩. 相信遲早第 6 集亦會有漢化版. 真係多 RPG 到玩唔切.

1 comments:

Peter Huang said...

在搜尋德永英明的歌時,來到妳的blog,首頁也有RPG介紹,這兩點跟我相符,所以拜讀妳的文章,禮貌性感謝妳的文章.另外妳的照片很美...這是由衷的稱讚!
Peter Huang