Wednesday, 21 May 2008

The Eye



翻拍"見鬼"o既荷里活版本, 由 Jessica Alba 做李心潔o既盲女角色. 個故事其實都跟得幾足, 改動不多. 我覺得非常唔錯, 雖然好多地方都係意料之中, 但係有幾幕都睇到打冷震、起雞皮. 鬼戲o黎講, 咁算係成功. 不過比起原版, 當然感覺上係有所不及, 因為話晒已經係翻睇; Alba 個樣冇李心潔咁無辜; 同埋香港版本中, 女主角住o既地方係一般香港舊樓, 搭o既係舊電梯, 呢 d 場景本身就已經有種陰森感, 比起西片版本中o既豪華 apartment 適合好多. 另一個問題係, o係原版, 李心潔係由本來唔知自己見鬼, 到慢慢後來越來越猛先知原來自己有鬼眼; 但係西片版本就冇o左呢個推進, Alba 幾乎係突然之間知道自己見鬼, 因為西片將中文版本其中最嚇人o既一幕提前推出, 所以少o左個 progress.

不過鬼片o黎計, 我覺得成績唔錯, 尤其係對未睇過原版"見鬼"o既人o黎講. 不過睇咁多翻拍亞洲鬼片最成功o既都係"The Ring"同"The Grudge".

0 comments: