Saturday, 26 April 2008

Golden Compass



一早就睇過下面呢封早幾個月周圍流傳o既信, 不過我當時未睇過齣戲, 所以冇 comment. 但係尋日終於有機會睇o左, 所以可以o係度講下齣戲, 同埋 d 教會反應.

==================================
這封 email 是空中英語教室的彭蒙惠老師(Doris)所發出, 要告知大家下個月即將上映的一部電影叫「黃金羅盤」Golden Compass. 該書作者是無神論者, 他接受媒體訪問時, 甚至大談其作品內容主要為消滅神,撒但要從神和教會的手中將人奪回, 得著自由. 令美國教會界最擔心的是, 三本小說在與電影同步上市時,出版社更運用一些行銷手法將該書推入校園, 所產生的結果, 可想而知將對孩子們造成嚴重的信仰衝擊與心靈影響。

如果大家有注意, 近年來, 怪力亂神的電影越來越多, 我認為教會應在此儆醒, 幫助我們的下一代學習分辨來自惡者是是而非錯誤的價值觀與光怪離奇的世俗潮流。請大家告訴大家, 並為此事儆醒禱告, 不讓撒旦有可趁之機. 求神賜教會與家長們屬天的智慧,教導與保護我們的孩子們!!

親愛的同工:
電影「黃金羅盤」12月7日將於全球同步上映,這是一部無神論、敵基督的電影,它的故事是從Thomas Pullman的系列書中衍生出來的,故事裡將神描述得又老、又健忘、又冷漠,而在系列中的第三部曲裡,神最後被殺身亡。
==================================

第一次睇呢封信就覺得奇怪. 既然齣戲有神呢個角色, 又邊可能係"無神論"? 最多只可以話佢係"衰神論" je. 仲有, 子不語怪力亂神係中國自古已有o既思想, 我冇乜好反對, 但係寫信呢個人又知唔知, 聖經本身亦係充滿怪力亂神o既故事, 所以我就真係唔明"怪力亂神的電影越來越多"有乜問題. 咪即係反人又反己?

同埋作為基督徒, 我最唔鍾意就係教會有你講冇人講o既態度. 何解 Narnia 殺入校園就振臂高呼; Northern Lights 殺入校園就披麻戴孝呢? 咁o既做法同態度, 咁我就覺得 Golden Compass 入面o個個邪教 magisterium 同現今教會幾相似喎. 真係俾故事個作者批到應一應. 其實當我睇齣戲o個時, 都唔覺有乜咁反教會, 如果教會唔係自己身痕對號入座的話, 其實故事中o既 magisterium 同教會冇乜相似o既地方. 不過而家睇返教會點樣以保護無知兒童為名去逼害呢齣電影, 又覺得真係有幾分相似喎.

唉, 講返齣戲. 簡單講, 我覺得幾好睇喎. 我一向都唔鍾意睇哈利波特 d 電影, 冇一集鍾意, 所以睇之前都不抱期望, 點知由頭到尾都唔覺悶, 有 d 對白 (e.g., 同北極熊皇帝會面) 甚至有 d 小聰明. 而令我最有驚喜o既係個女仔. 我一向好怕睇細路仔做主角o既電影, 一係就太低 b, 扮 cute, 再唔係就太老積, 扮成熟. 但係呢個細路女冇俾我呢 d 感覺, 而係一個勇敢, 唔老積, 又唔白痴o既少女. 睇得舒服.

非常期待下集.

0 comments: