Sunday 6 April 2008

Cloverfield



本來對呢齣怪獸片就不抱期望, 因為搞得太多 gimmick o野, 可幸結果亦冇乜失望, 我覺得成績唔錯, 娛樂性 ok. 好多人投訴話o係戲院睇到頭暈, 但係我o係屋企睇就冇呢個問題, 可以接受. 呢齣戲作為怪獸片算唔錯, 特技做得出色, 並唔會用個搖搖下o既鏡頭又或者黑媽媽o既燈光o黎含糊過關, 有幾場 d 特技的確清楚可觀, 如過大橋同炸怪獸.

缺點就在於文戲. 齣戲用開始二十分鐘, 幾乎三分一o既片長講主角之間o既關係, 但係講得膚淺, 我就唔覺得有特別關心幾個主角o既下場, 其中講男女關係o既情節亦見無聊. 花咁多時間o黎鋪排, 而又不起作用, 算係非常失敗. 同埋用呢種 Blairwitch 式鏡頭o黎拍, 我覺得相當無謂, 令人睇到頭暈係預期中o既大缺點, 但係我又睇唔到有乜大優點去平衡返, 所以講到尾, 只係一個無聊 gimmick. 同 Blairwitch 唔同, 當年我睇完 Blairwitch 真係有心寒感覺. 但係怪獸出現o係曼克頓市中心本來就一 d 都唔真實, 而家又想用呢 d 鏡頭o黎扮晒有真實感, 根本就係矛盾.

No comments: