Monday, 31 December 2007

Tokyo Tower (TV)



o係屋企冇街出太悶, 又完全唔想做正經o野, 所以 download o左齣都算舊o既日劇, divx 格式放上大電視度睇都好靚, 叫做 Tokyo Tower, 共十一集. 本來係一 d 興趣都冇, 唔係一早就睇o左. 點知係非常好睇, 大出意料之外, 已經成為我最鍾意o既日劇之一.

其實如果要我分析點解咁好睇, 我都唔知點講好. 個故事唔算特別, o個 d 乜乜"可憐天下父母心"一早拍過晒; 演員唔錯, 都成功令到角色討喜, 不過亦唔係乜大卡士. 只可以講佢拍得好好, 拍出好多令人印象非常深刻o既情境, 鏡頭拍得靚, 再配上勁靚o既音樂, 真係 power 十足. 我好少喊, 但係睇呢齣o野開頭同結尾o個幾集都有俾佢搞到流眼淚, 好多時本來都頂得住, 但係佢 d 音樂一起就唔掂, 真係夾得太好, 搞到幾次我要扮去洗手間解決某 d 生理問題先冇俾妹仔發現...

以我所知呢齣電視劇o係日本都唔收得好好, d 人比較鍾意睇同期o既流星花園2 o個幾個醜男. 有機會應該睇下, howtindog 大力推介.

0 comments: