Tuesday, 11 December 2007

Stardust




頭先同妹仔睇呢齣戲, 我覺得相當不俗, 由頭到尾都 keep 住有趣, 而最吸引人o既就係 d 配角, Rober De Niro 同 Michelle Pfeiffer 特別搶鏡, 即使同男女主角拍埋一齊出現, 都依然係焦點所在. Ian McKellen 把聲亦好好聽, 輕易將觀眾帶入故事之中. 至於故事, 就非常複雜, 講個男仔走入魔法世界想搵一粒從天而降o既星星送比個女仔, 點知無厘頭被追殺, 最後發展到最後做埋魔法世界個國王, 之間好多人物, 好多事件發生, 但係個故事都好易 follow. 睇o既時候, 我就諗起同樣係改西方童話小說o既 Howl's Moving Castle, 可惜係 Howl's 個故事搬到上電影變到好難 follow, 可見 Stardust 個導演要將個故事講到咁易明, 其實亦o吾簡單, 係有花過心思.

個童話 feel 亦幾好, 去到結局的確有聽完童話故事o個種應有o既喜悅感. 不過我就有少少o吾鍾意個男主角去到中段無厘頭變成有勇有謀型男, 童話得o黎有 d 老土, 繼續之前咁咪好囉, 亦證明女主角o吾只係被佢外型吸引, 而家咁樣真係畫蛇添足. 所以 Shrek 對傳統童話故事o既嘲笑係好有道理.

0 comments: