Saturday, 3 November 2007

The Bourne Ultimatum


今日妹仔放假, 朝早同佢去完大統華返o黎, 下午就開呢齣戲睇, Bourne 系列o既第三集.

同頭兩集相似, 故事主要講 Jason Bourne 一邊被人追殺, 一邊要想辦法回憶返之前失憶o既片段. 今集個 feel 冇第二集咁陰沉, 同埋上一集 d 剪接太快, 節制太急, 今次有所改善, 不過有 d 打鬥鏡頭仲係太快, 睇得唔清楚. 不過其實呢個系列三集都好睇, 故事唔錯, 有追看性, 動作又一流, 非常出色o既追逐、槍戰、隻抽場面都有, 由頭緊張到尾. 連平時唔睇動作片o既妹仔都睇到好肉緊. d CIA 成日都捉唔到 Bourne 係太誇張, 不過齣戲拍得 Bourne 好機智, 反應快, 所以都算有說服力, 唔會令人覺得劇情癮居. 呢個系列其中一個精彩地方係o個 d 出去追殺 Bourne o既勁抽殺手, 第一集 Clive Owen 做o個個 Professor, 同第二集o個個 Kirill 都令人印象深刻, 今集 d 殺手都唔弱, 雖然我都係鍾意第一隻個 Professor 多 d.

不知不覺中, 已經變成 Jason Bourne o既 fan, 結尾見佢o係水中游走, 不由好似戲中o個個女仔咁微笑一o野. 雖然 Bourne d 記憶已經回復, 但係總希望仲有得拍落去, 睇埋 Bourne 同而家俾佢搞到要走路o個個女仔之前有乜瓜葛.

0 comments: