Wednesday, 24 October 2007

Wrong Turn 2: Dead End



今日考o左個德文 challenge test. 我覺得都幾容易, 冇理由會低過 B-, 希望過關, 咁下個 sem 就唔使讀科德文.

前晚同妹仔睇o左齣殺人片, 叫做 Wrong Turn 2. 其實我覺得 Wrong Turn 第一集都唔錯, 比預期中好, 點知第二集差好多. 差就差在佢走去學最近好興o個 d 核突殺人片, 好學唔學學埋 d 壞榜樣. 齣戲講一班人o係個森林度拍 d 類似 survivor 咁o既節目, 有男有女, 後來當然係出現殺人狂, 殺晒 d 人. 個故事冇乜好講, 其實亦唔差, 一直有事發生, 唔會覺悶. 問題係 d 殺人過程實在拍得差, 次次都斬到有條腸飛出o黎. 睇恐怖片有 d 血腥係可以加強驚嚇氣氛, 但係到個個鏡頭都出腸出內臟, 就會變成令人覺得你白痴, 手法低, 而且驚嚇效果其實極低.

我覺得呢齣戲同 The Hills Have Eyes 2 好相似, 其至有抄襲之疑, 亦拍得一樣咁差, 太核突, 而唔夠驚嚇. 作為一齣恐怖片係好失敗.

0 comments: