Saturday, 13 October 2007

瘟神 S.H.E



不斷受欺壓o既人, 當時間過得耐而情況冇改善, 反而變本加厲, 就會終於有一日爆發出o黎, 一係就一個人走入學校開槍射人, 又或者成班糾眾玩"人民站起來了". 而我, 今日, 終於受唔住o個幾隻瘟神 S.H.E, 不斷蹂躪我鍾意o既電視節目, 要o係呢度發佢地皮四.

之前佢地走去搞"我猜"我已經好不滿, 搞到個節目變得超悶, 兩條友只係識得o係度陪笑, 扮晒 cutie, 無論 d 人講乜做乜都只係會講"好可愛". 愛愛愛, 愛你老豆咩! 好悶呀!!! 搞到o個一輪連睇"我猜"o既意慾都冇埋. 當佢地要走o個時, 我都不知幾開心, 立即就開始返睇"我猜". 其實睇過咁多個女主持, 真係冇人差得過 S.H.E, 連水蜜桃姐姐呀, 唔識中文o個個肥妹 makiyo 都好過呢兩隻唔靚o既花瓶.

點知仲未完, 瘟神總係要去而復返, 送都唔走. 我同妹仔每日o既其中一個娛樂就係睇"康熙", 尤其鍾意小 s , 因為佢真係好搞笑. 點知而家佢去生仔, 就走個 selina o黎代班, 喂, 大佬, 咁即係幾個月冇得睇"康熙" je. 我都唔係冇俾機會佢, 佢代班第一集我都有睇, 點知真係悶到抽筋, 又係陪笑、扮細路聲、一味講"好可愛". 唔識做主持冇所謂, 你 d show 我最多唔睇之嘛, 但係你唔好走埋o黎我鍾意o個 d 節目度獻醜啦.

辣塊媽媽, 正瘟神, 楊麗娟娛樂性仲高過你.

0 comments: