Friday, 21 September 2007

The Quiet



尋晚睇到齣我幾鍾意o既電影, 叫做 The Quiet, 兩個女主角係 Elisha Cuthbert 同埋 Camilla Belle. 個故事講 Belle 係個聾啞妹, 電影故事開始o個時佢o岩o岩父母死晒, 所以佢個乾爹乾老母就 adopt o左佢, 開始同呢兩公婆同埋佢地個女o既新生活. 不過故事發展落去變到好變態, 呢個聾啞妹發現好多其他人o既秘密.

其實齣戲個故事講乜唔使詳盡咁講, 因為雖然追看性唔錯, 但係唔算突出, 亦有 d 唔合理o既地方. 不過, 呢齣戲最吸引我o既係o個個聾啞高妹 Camilla Belle, 真係氣質一流, 唔使出聲, 一個人坐o係度, 又或者一個人行o黎行去o個時, 好似真係有股黑氣包圍住佢咁, 感覺一流. 再加上佢身邊一班氣質庸俗o既白痴中學生, 更加突顯出呢女仔o個種與人不同, 又有 d 鶴立雞群o既氣質, 成齣戲都著笠記牛仔褲兼化淡粧都收埋唔到.

不過我有個問題, 做乜張 poster 造得咁差?

0 comments: