Saturday, 11 August 2007

Vacancy




上 個禮拜睇o左呢齣戲, 本來都幾高祈望, 因為男女主角我都鍾意. 個男o既自從 Legally Blond 之後我就幾鍾意佢, 覺得佢幾鬼馬. 個女o既, 就係自從 Serendipity, o個齣戲其實我覺得好低 b, 但係o係o個齣戲入面個女主角好靚. 再加上呢類殺人驚嚇片一向都o岩我口味.

點知結果好失望. 本來個故事個 premise 唔錯, 開頭講發覺住緊o個間酒店房之前有人死過o係o個度, o係 d 錄影帶度睇住有賊入o黎將 d 住客拮死, 係一個會令人覺得心寒o既 setting. 點知之後就急轉直下, 白痴橋段一浪接一浪咁打埋o黎. 主要就係講男女主角兩公婆因為好驚 d 殺人賊 (合共三個), 所以佢地就 lock 晒 d 門, 唔俾 d 賊入o黎. 但係大佬, 間房成大塊落地玻璃窗o係度, 但係 d 賊又真係好似除o左由正門入去之外就冇乜其他方法咁. 仲有, 男女主角成日好似好醒目咁, o係後窗度搞 d 聲出o黎, 引 d 賊離開個正門, 咁佢地就可以o係前門走甩. 大佬, 又真係次次都成功, o個三個賊好似連體嬰咁, 無論去邊都一齊, 所以男女主角好似真係如入無人之境一樣, 玩成個幾鐘都未俾人捉到. 而且最過份係, 呢齣戲個故事o既中心就係 d 賊鍾意錄低自己殺人o既經過, 所以成間房都係 camera, 有 d 咁好用o既工具, d 賊應該對兩個主角做乜同o係邊好清楚先係, 點知 d 賊都唔用腦, 一次都冇想過去用 d 電視仔睇下. 去到結尾, 個男主角仲將個老婆懶神秘"收埋"o係天花板, 喂, 大佬, 你入晒鏡啦, 點知 d 賊又真係中佢招... 佢 d 經過拍到好似好緊張咁, 一路有人追住咁. 死在當 d 壞人做o既o野太過白痴o既時候, 觀眾就會覺得搞笑, 仲邊有恐怖氣氛?

睇呢齣戲o個時, 我完全唔覺得睇緊一齣恐怖片, 而係睇緊真人版o既"三隻小豬". d 所謂驚險鏡頭唔會驚嚇得過 d 狼想食勤力小豬o既經過.

0 comments: