Friday, 31 August 2007

耶穌, 亞那路的兒子

Josephus (Jewish War 6.300-309) o係佢o既歷史入面, 提及到一個可以同九龍皇帝比美o既奇人, 叫做 Jesus ben Ananus, 即是亦叫做耶穌. 其實佢o既遭遇對了解聖經o個個耶穌o既生平亦有幫助.

Jesus ben Ananus o係聖殿被毀o既四年前開始o係街度周圍行, 大聲叫囂話聖殿同以色列人都要受審判. 有 d 猶太人版本o既"左仔"捉o左佢打, 問佢做乜o係度亂 up, 丙到佢火車頭咁, 但係呢個 Jesus 乜都冇解釋, 只係重複之前講開o既o野. 後來唔單止猶太人, 連羅馬官員 Albinus (即係做本丟彼拉多個位o既人, 不過o個時彼拉多已經俾人炒o左) 都捉佢去審一輪. 不過呢個 Jesus 好好彩, d 羅馬人認為佢係痴線佬, 所以放佢走.

呢個故事唔知有幾真, 不過同聖經入面o個個耶穌遇上o既事有 d 似. o係 synoptic gospels 入面, 耶穌入到耶路撒冷之後走去聖殿踢竇, 當耶穌被審o個時又有人話耶穌講過佢會毀滅聖殿同埋三日來再起返佢. 即是話, 耶穌被人捉, 被人審, 都係因為佢做出o左 d 反聖殿o既行為同埋言論. 呢個經過同 Jesus ben Ananus o既經歷差唔多, 係一個合理o既 historical context.

0 comments: