Sunday, 26 August 2007

28 Weeks Later: 咬死 d 細路佢啦!!!



一向都鍾意睇喪屍片. 第一集 d 人都話好睇, 我就覺得只係一般, 因為去到後半做做下都唔似喪屍片. 最大o既成就係 d 喪屍有新意, 識走識跑, 後來 Dawn of the Day 用呢類喪屍就拍得好刺激. 28 Weeks Later 同上集唔同, 由頭到尾都係喪屍片. 同埋多數喪屍片開始o個時都已經周街喪屍, 但係呢集就唔係, 開始o個時英國已經冇晒喪屍, 不過後來觀眾可以睇住點樣又再爆發喪屍瘟疫.

上集有 Cilian Murphy, 今集 d 演員就冇咁討喜, 尤其係o個兩條細路. 根本成單o野就係兩個細路扭計無厘頭走返屋企搵相搞出o黎. 大佬, 你兩個自己自以為是, 話掛住阿媽, 搞到周街喪屍, 你愛阿媽, 但係其他被你唔覺意害死o個 d 人都有阿媽生o架. 所以齣戲做冇幾耐, 我就同妹仔講, 我最希望呢兩條細路o係後面會死得好慘, 最好俾人分屍.

其實齣戲仲有其他唔 make sense o既地方. 例如, 一個普通人雖然話因為工作關係, 所以會有張 all access pass, 但係呢張 pass 有乜可能會去到軍事基地, 去到最機密o既地方都仲有用. 仲有, 戲入面有個軍人, 佢接到命令要殺晒所有人, 但係因為 d 走難者當中有個細路, 佢唔忍心, 所以反而想帶佢地走. 咁都 ok, 但係佢o係帶 d 人走o既途中竟然開槍射殺自己 d 同僚. 因為要救一個無辜o既陌生人而去殺死另一個同樣係無辜o既人, 我就點都諗唔明背後o既邏輯.

不過呢齣戲喪屍夠多, 死唔少人, 所以都好有娛樂性. 最令人不滿係戲中o個兩個可謂"惡貫滿刑"o既細路最後冇慘死o係我面前, 未免令人有點耿耿於懷.

0 comments: