Thursday, 31 May 2007

CSBS

去完 CSBS 返o黎 lu.

Day 1: 我搭o既係 westjet, 下午機, o係 hamilton 個機場上機. 嘩, 大佬, 個機場真係雞到爆, 真係離晒大譜. 成個機場得六個 gate, 個候機室細到冇人信.



同埋人地 d 機場上飛機o個時會行過一條走道上機o架嘛, 呢個機場係冇呢 d o野o既, 架飛機就咁停o係出面, 要行出外面, 行上條搖下搖下o既樓梯上飛機. 我o既目的地係 saskatoon, 但係要o係 calgary 轉機, 而o係 calgary o既途中係會經過 saskatoon o既... 不過好在 westjet d 飛機而家有電視睇, 首先我睇o左齣電影, 係 Harrison Ford o既 Air Force One, o係飛機上面一路睇 d 講劫機, 炸飛機o既電影特別有 feel. 跟住又見到有 simpsons 睇, 都幾好睇.

去到 saskatoon 已經夜晚九點幾. 我 book o個間酒店係 Ramada, o係 yahoo travel 度只得兩粒星半, 聽講好恐怖, 但係因為我只有一個人住, 所以我間房o係最高o個層, 要用張電子片先上到去o個層, 一出 lift 門仲會見到好大個 sign 寫住 "business class", 所以我間房都幾好, 好乾淨. 張床都幾舒服.



去到酒店我首先就去問人點去大學啦. 因為第二朝我要去o個個 session 8:45am 就開始, 之前我仲要去 register 先. o個間酒店個 website 話 "just minutes from the University of Saskatchewan", 但係問 counter 個姐姐仔, 佢話其實冇可能行去大學, 要搭巴士或者的士先得. 但係第二日係星期日, 妹仔幫我 check 到, 星期日咁早根本就冇巴士搭, 所以都係要搭的先掂... 晚飯都冇胃口食, 又頭暈暈, 所以開住部電視睏著o左.

第二日: 可能因為有兩個鐘時差, 所以五點幾就醒o左. 未到七點鐘就落到 lobby, 叫o左部的士, 等緊o個時有個好型o既西裝友問我係咪叫o左的士出去大學, 一齊 share 好唔好. 當然好啦, 最後十蚊的士費, 我只要俾五蚊雞. Register o左之後, 見到 Jeremy 行過, 佢話我知原來有免費早餐食, 我立即就衝過去啦. 早餐有o野飲, 有蛋, 薯仔粒, 腸仔, 同埋好多我唔食o既甜品同生果. 幾住就行過去一個叫估 Thorvaldson o既 building. 呢間學校都幾靚, 好多綠色, 又幾乾淨, 環境靚過爛鬼 McMaster 好多.



呢間就係 Thorvaldson, 個 feel 都幾宏偉.



我第一日就要 present, 我個時間係 10:30-11:00. 所以由 8:45-10:30 都係聽人地 d paper. 死在我張 paper 俾人放埋 d 舊約 paper 度, 所以真係悶到抽筋, 而且亦都聽唔明. 到我 present o個時, 點知見到 Eileen Schuller 竟然走入o黎喎! 佢當然應該o係死海古卷o個個 session o架嘛, 俾佢嚇一嚇, 因為佢最鍾意問 d好辣o既問題. 所以開始o個時都有少少緊張, 不過我o係前半部份準備o左個笑話, d 人笑一笑我都變得冇咁緊張, 所以越去越順, 都算好順利, 幾好. 到問題, 都冇人問 d 乜o野難題, 所以我第一次o既 conference presentation 好順利完成o左.

到 12:00, 有個免費o既 student lunch. o係o個度見到 Dorothy, 以前o係 TWU o既舊同學, 佢已經o係 Manchester 畢o左業, 辣塊媽媽, 快成咁, UK 學校真係好. 之後就要過去 CSPS 幫 Michael Kaler present 佢份 paper, 因為佢唔知做乜事o黎唔到, 所以叫我幫佢 present. 當然好啦, 多 d 經驗, 出去見多 d 人都冇壞. 最後都一樣順利完成. 完o左之後已經下午三點, 開始覺得眼睏, 雖然之後 CSBS 仲有好多其他o野, 不過我都提早返酒店休息.

之後o個日我朝早都有出去學校, 因為有免費早餐食, 不過到下午咁上下就返酒店睇電視同打 NDS. 我個人都係唔鍾意出街, 出門去旅行好鬼浪費. 不過都冇辦法, 第日想要搵到工, 呢 d o野點都要去下.

0 comments: