Monday, 2 April 2007

我愛楊麗娟



世上係有一見鐘情o既, 自從第一次o係報章上見過中女(中國女性之簡稱)楊麗娟後, 就對佢一見鐘情, 佢白晰o既膚色, 長長而烏黑有如瀑布o既頭髮, 充滿個性o既單眼皮, 一口流利o既標準國語, 而且出至書香世家, 話晒老豆係知識份子, 桃李滿門. 佢忠於自己夢想, 花盡家財亦在所不計, o係我心目中, 佢對夢想o既執著同黃家駒有得比. 對劉德華從一而終, 至死不渝o既情感, 亦令人動容, 直頭比劉德華更加似神鵰大俠楊過. 冇辦法, 搞到我心中小鹿亂撞, 用以前 YES o既術語講, 我對佢真係招晒 ed, 鍾意佢鍾意得好緊要.

而家我最大o既希望就係可以同佢共渡一宵, 要我用晒所有 scholarship 返大陸搵佢都在所不計. 我有信心, 只要我洗晒 d 錢, 又可以說服我老豆去跳海, 佢就一定要答應我o既要求.

佢一定要答應呀!!!! 唔係我化為厲鬼都唔放過佢, 嘩呀呀呀呀呀!!!!!

0 comments: