Saturday 29 December 2007

The Gospel of Judas: Critical Edition



The Gospel of Judas, Critical Edition: Together with the Letter of Peter to Phillip, James, and a Book of Allogenes from Codex Tchacos (Washington: National Geographic, 2007).

Amazon 效率超高, 今日星期六都送貨. 因為要買夠 $40 amazon 先會免費送貨, 所以上次我買個平 game o個時, 我仲買o左本我覺得都會有用, 遲早會買o既書, 就係猶大福音o既 critical edition, 原價賣 $56, amazon $35 成交, 算係大減價, 而且係新書, 好難得.

內容:呢本o吾止係猶大福音o既 critical editon, 其實係 Codex Tchacos o既 critical edition. 呢個抄亦包括其他文獻. 本書開頭先講 Codex Tchacos o既歷史, 之後就係抄本中o既文獻o既 critical edition. 一頁彩色相片, 夾一頁 Coptic transcription 同埋英文翻譯, 包括有用o既 footnotes, 而每一個 chapter 最後亦有法文翻譯. 最後仲有個超方便o既 index.

評價:o係聖經研究, 任何叫得做 critical edition o既書通常都賣超貴, 時常都過百蚊, 呢本竟然有晒彩色相片兼 hardcover 都只係賣 $35, 十分超值. 而且, 呢本會係好重要o既一本書, 最近 April DeConick o個本 Thirteenth Apostle 反駁呢本 critical edition 一 d 重要o既地方, 不論你同意 DeConick o既質疑與否, 不可否認, 呢本 critical edition o係未來幾年都會o係聖經研究中一個熱門話題, 對第二世紀基督教思想有興趣o既人就特別要買.

Monday 24 December 2007

玩到尾o既 RPG (3):FFVII





自從上中學, 過o左o黎加拿大之後, 我就停o左打機好一段時間, 直到有次o係朋友屋企見到佢玩 FFVII, 當時真係非常震撼, 因為當時未見過, 亦諗都諗o吾到 FF 會以 3D 畫面出現. 而家開返 FFVII 當然覺得畫面好醜, 但係當年真係覺得好勁, 所以走去 toysrus 買o左部 PlayStation 同埋 FFVII. 所以 FFVII 對我打機生涯有特別意義, 係因為佢我再開始返打機, 直到今日.

除畫面之外, FFVII 最吸引人係佢o既角色. 每一個會加入你團隊o既角色都有自己性格同故事, 令人加倍玩得投入, 因為有令人關心o既角色的確對一個 RPG 係好重要. 不單止主角, 連 d 敵人都好有性格. 不過個故事就只屬中上. 好多o係 FFVII 之前未玩過其他 RPG o既人會覺得係神作, 不過其實心水清o既老人家, 就會覺得其實故事只係'幾吸引', o吾係人地煲到咁神奇. 好似其中一個女角被人殺死o個幕, 其實主角中途被殺o吾係乜新鮮o野, 早在 FFIV 己經有咁o既橋段. 而最令人不滿o既, 就係個結局. 玩咁多個鐘頭, 一直都鍾意 d 角色, 投入個故事入面, 點知去到最後比個咁無厘頭o既爆機畫面人睇, 真係反高潮.

雖然 FFVII o吾係我最鍾意o既 RPG 之一, 但係都算係一個好好o既 RPG. 而且由 2D 變成 3D o既轉折, 真係令我覺得好震撼, 當年非常發燒.

Saturday 22 December 2007

National Treasure: Book of Secrets



最近手頭上好多o野要完成, 不過尋晚都偷下雞, 出街拍拖偷下懶, 睇o左 National Treasure 第二集. 我好鍾意第一集, 所以呢齣戲我一早就想睇. 結果亦無失望, 同第一集各方面都差o吾多. 主角都係o個幾個, 只係加埋男主角個阿媽, 同個阿爸頂嘴都幾過癮. 不過出鏡最多都係第一集o個個鐵三角, Ben, Abigale, 同埋 Riley, 佢地之間o既互動同對白同第一集相似, 有時 d 對白真係幾好笑, 尤其係 Riley. 故事推進同第一集差o吾多, 都係講尋寶, 偷o野, 非法入政府重地之類. 不過今集比上集更長, 所以每樣o野都多 d, 上次成功o既元素都再加重料. 因為我本身就鍾意第一集, 所以我完全o吾介意佢翻炒. 所以o吾鍾意第一集o既人亦o吾會鍾意第二集;鍾意第一集o既就會依舊覺得滿意. 作為續集, 我覺得 National Treasure 2 就好過 Pirates 2/3 多好多. 因為 Pirates 2/3 令好多第一集o既 fans 大失所望, 其中包括我在內.

不過, 雖然我對第二集亦覺得滿意, 將來佢出碟我亦會買, 但係我都係鍾意第一集多 d. 因為第一集 d 角色之前未見過, 所以加倍覺得過癮. 同埋第二集真係搞到太大鑊. 佢地去英國搞到天翻地覆都可以平安無事返到美國, 未免太視英國國防如無物. 不過, 最重要都係拍得刺激, 對白過癮, 角色吸引, 而o係呢幾方面, 都係成績不俗. 其他o野都可以原諒佢.

Thursday 20 December 2007

"性係創造生命 , 唔係為左享樂"

==========================================
【 本 報 訊 】 正 當 學 界 苦 惱 如 何 及 早 向 學 生 灌 輸 正 確 性 觀 念 時 , 有 天 主 教 學 校 依 然 視 性 為 洪 水 猛 獸 。 位 於 馬 鞍 山 的 直 資 學 校 德 信 中 學 , 一 直 將 中 一 科 學 教 科 書 內 有 關 性 知 識 和 避 孕 方 法 的 內 頁 撕 掉 , 才 派 發 給 學 生 。 校 方 否 認 避 而 不 教 , 強 調 是 要 待 時 機 成 熟 。 不 過 , 有 社 工 認 為 學 校 推 行 性 教 育 宜 早 不 宜 遲 。   記 者 : 林 浚 川

發 生 撕 書 事 件 是 具 天 主 教 背 景 的 德 信 中 學 , 該 校 採 用 的 是 朗 文 出 版 的 《 Interactive SCIENCE 》 中 一 科 學 教 科 書 , 共 分 A 、 B 兩 冊 。 該 校 專 責 行 政 及 家 長 教 育 的 李 主 任 表 示 : 「 我 地 一 早 同 出 版 商 傾 好 ,D 書 會 撕 走 個 幾 頁 至 送 黎 畀 學 生 。 」

記 者 翻 揭 該 書 A 冊 , 發 現 第 三 章 提 及 人 體 生 育 過 程 及 正 確 避 孕 方 法 , 並 刊 有 多 幅 男女生 殖 器 官 手 繪 圖 像 , 以 及 避 孕 套 和 子 宮 帽 圖 片 , 表 達 手 法 平 實 , 並 不 淫 穢 。 李 主 任 卻 形 容 : 「 後 生 仔 睇 左 圖 可 能 有 衝 動 。 」

......

李 主 任 解 釋 : 「 書 本 其 他 內 容 冇 問 題 , 只 係 科 學 科 老 師 唔 適 合 教 性 知 識 。 」 李 主 任 強 調 , 校 方 並 非 恐 懼 或 逃 避 性 教 育 : 「 我 地 響 中 二 開 始 就 會 由 倫 理 科 教 師 向 學 生 講 解 性 知 識 , 要 佢 地 明 白 性 係 創 造 生 命 , 唔 係 為 左 享 樂 。 」 他 又 稱 校 方 做 法 一 直 獲 家 長 支 持 。

......
==========================================

明白晒, 怪不得香港 d 學校對避孕知識咁冇興趣啦. 原來佢地認為性係為創造生命, 唔係為享樂. 所以避孕搞o野基本上對佢地o黎講就係"白搞", 唔係想生仔根本就冇合理原因去性交. 如果你要性交, 就一定要為生仔, 唔可以為享樂, 所以避孕根本就係唔o岩.

好o野呀, 我作為攻讀古猶太文化o既研究生, 佢呢 d 觀點真係好o岩聽, 事關公元前第一世紀至公元第一世紀之間有個好出名o既猶太作家, 叫做 Philo of Alexandria, 佢對性o既觀點同呢位李主任一模一樣. 當講到摩西有幾偉大o既時候, Philo 就讚摩西話: "as to the pleasures of the organs below the stomach he paid no attention to them at all, except as far as the object of having legitimate children was concerned" (Vita Mosis, 1.28). 即是話, 摩西冇得頂, 因為佢除o左需要想生仔o個時之外, 佢唔會亦唔想有性行為. 同呢位李主任o既講法咪一樣囉. 嘩, 香港教育勁呀, 做個主任仔都要學貫中西. 好o野呀, 同中國傳統思想, "娶個女人過門就係為生仔," 非常吻合. 而且性呢味o野, 做完之後可能會令到人多用本來唔會用到o既紙巾或熱水清潔身體, 同現時 hit 爆o既環保意識相反. 而唔為生仔o既性行為又好多時會用到避孕套, 而呢 d 套唔能夠循環再用 gar mar, 你話性交又唔生仔真係幾冇陰質.

其實唔止呀, 依呢位李主任講法, 唔單止避孕o既性行為唔應該有, 連性衝動都唔應該有. 為o左避免學生任何出現性衝動o既可能性, 作為教師而出到呢招撕書, 大有古時中國一代明君秦始皇o個招"焚書坑儒"之風範, 真係愛學生o既好老師呀.

Bautch, "What Becomes of the Angels' 'Wives'?"

最近完全係 holiday feel, 無乜做o野動力. 不過其實我要開始努力準備做論文 d o野. 所以而家得閒就要睇下書睇下 journals.

Kelley Coblentz Bautch, "What Becomes of the Angels' 'Wives'? A Text-critical Study of 1 Enoch 19:2," JBL 125/4 (2006) 766-80.

呢個研究講o既係以諾一書 19.2 o既一個奇怪現像:希臘文抄本話 d 邪惡天使 d 老婆會變成 sirens, 傳說中善於迷惑人又或者係常常哭號o既怪物;而 Ge'ez 抄本中就話佢地會得到和平. 兩個完全相反o既結局! 原文係亞蘭文, 但係現有o既亞蘭文抄本中並無保存呢一段. 而呢個研究就係討論呢兩個抄本不同之處. 從上文下理, 睇下邊個比較似係接近原文.

Bautch 話, 其實兩個版本都有問題. 1)希臘文抄本 Panopolitanus 一向都o吾算可靠, 於其他地方都有加入一 d 傳說怪物, 令以諾一書o既故事更有趣, 睇落更 Greek. 所以佢加入 sirens 一 d 都o吾出奇. 而且, sirens o既亞蘭文 Vorlage 不外乎係 bat yaana 或 lilitin. 問題係 bat yaana o係 Second Temple 文獻中好少見, 而 lilitin 以眾數出現亦係奇怪. 2)"和平"亦係奇怪, 因為細看之下, Ge'ez 話 d 天使老婆們得到和平, 其實意思並不明顯.

所以, Bautch 話, 希臘文o既 sirens 係譯者自己創作;而 Ge'ez o既"和平"則係錯譯 SLM (如人人都聽過o既 shalom) o既一個 form. SLM 好多時都可解為"和平", 但如果係 Peil, 則解作"完結" (如死亡). 而 Bautch 就認為呢個就係原本o既 reading.

Wednesday 19 December 2007

德永英明: Vocalist 1, 2, 3





尋晚臨上床睏之前無無聊聊, 開個日本音樂節目睇, 點知突然聽到有個人唱歌好好聽, 一聽鍾情. 德永英明呢個名細細個就聽過, 因為以前開 d 譚詠麟 cd 聽, 成日見"作曲: 德永英明", 不過就未聽過佢把聲. 一向都冇興趣試聽, 因為日本上一代o個 d 男歌手好興"牛"起把聲唱歌, 點知o係個節目度, 呢個人一開聲就覺得有驚喜, 因為估唔到把聲咁輕柔, 沙沙地咁, 聽落好有 feel.

最近佢出過幾隻好正o既碟, 就係三集 vocalist 系列, 翻唱女仔舊歌. 當然好聽, 不過我覺得佢唱 live 更加有 feel. 我睇o個個節目中, 佢就係唱呢首歌:

Tuesday 18 December 2007

玩到尾o既 RPG (2):DQV



我本身並非勇者鬥惡龍擁護者, 因為我覺得呢個系列比較o吾著重故事. 不過凡事亦有例外, DQV 故事性好強, 而且故事同主角性格都非常吸引人, 足夠成為令人玩到尾o既動力, 係勇者系列中我o既最愛.

呢個 game 可以控制o既人物o吾多, 就係主角勇者同埋佢o既家人, 包括佢老豆, 老婆, 同埋一對仔女. 應該仲有其他, 但係太耐, 真係o吾記得. 呢 d 角色之中, 最重要o既就係主角本身, 你會同佢一齊經歷佢o既故事, 由故事開始佢只係嬰兒, 到佢童年變成孤兒, 到成長後變得強壯, 到後來認識老婆, 到被逼同家人分離, 變成人地口中o既傳說, 到最後重出生天, 同自己失散o既子女重聚. 一路發展落去, 會發覺呢個 game 好成功咁制造出一個好有說服力o既勇者, o吾係單單因為佢係被命運選中所以成為勇者, 佢實在係於苦難中成長. 最有意思係故事閞始, 成長後o既主角透過時光倒流, 鼓勵童年o既自己, "預言"話將來命途會好苦, 但係千萬不可放棄. 呢一段o係 game 中出現兩次, 第一次係你仲係童年o既時候, o個時只係諗, 呢條友 d 服飾咁鬼馬, 一定係主角o既將來;到第二次, 就係你作為成年人, 經歷過好多之後, 同童年o既自己講"不可放棄", 呢次就真係好有 feel, 我覺得係 RPG 歷史中最精彩o既一幕.

可惜近年勇者系列都再無一集有個咁魅力非凡o既主角, 真係可惜.

Monday 17 December 2007

Yale 免費舊約課程

一般o黎講, 免費o既o野都係得人鍾意. 頭先發現原來耶魯大學有個可以o係網上睇或聽o既免費課程, 係最淺o既舊約導論. 教授係 Christine Hayes. 我未聽過呢個名, 但係睇佢介紹, 係拉比文學o既名人, 難怪我唔識佢. 不過唔明點解拉比人教舊約o野; 乜耶魯冇正宗舊約人咩?

Anyway, 有興趣就去睇/聽下, 體驗下耶魯課程有乜特別 (或"冇"乜特別).

Sunday 16 December 2007

玩到尾o既 RPG (1):FFIV



自小我就鍾意玩 RPG, 因為我覺得 d 動作 game 不論幾精采, 都會好快玩厭, 但係如果一個有好故事o既 RPG, 我會一玩再玩, 只為再經歷佢o既故事. 所以到而家廿到 mun, 實在玩過好多 RPG, 但係只有少部份真係會玩到尾, 因為我對 RPG 要求好高, 故事角色o吾夠吸引的話, 我會缺少玩到尾o既動力.

第一個成功吸引我玩到最後, 後來亦重玩四次以上o既 RPG 係 FFIV. 我覺得角色同故事方面, FFIV 都好過好多人鍾意o既 FFVI, 因為 VI 人物太多, 而且後半爛尾, 令人失望. 先講人物, IV 中會用到o既人物個個都好有性格, 亦有自己完整o既故事背景. 不單止係背景, 最得人鍾意係角色o既發展. 好似主角咁, 佢由開始不分是非o既"黑"到後來知道自己做乜o既"白";綠髮召喚師由妹妹仔成長變成少女;時敵時友o既龍騎士;失憶o既魔法大王;去到後面, 會發覺連一直以來o既大敵"牛角佬"都有令人訝異o既背景同埋轉變. 而呢 d 角色走埋一齊, 佢地之間的確係有化學作用, 每次有人要加入你個團隊o個時, 都會覺得興奮;而有人要離開你個團隊時, 亦會覺得心 up. 對呢 d 角色o既喜愛亦係我玩到尾o既動力之一, 因為好想知道佢地之後會變成點, 而爆機畫面亦令人非常滿意, 見到自己好鍾意o既角色o既下場, 真係非常滿足.

故事簡單, 容易 follow, 但係中間有大量 cutscenes, 不斷有意料之外o既事發生, 非常吸引, 由地球玩到入地底世界再玩到去月球, 第一次玩o個時真係好驚訝.

o吾知幾時先出英文版o既 NDS FFIV, 非常期待. 呢個故事無論玩幾多次我都o吾厭.

Saturday 15 December 2007

FFIV Love Theme



呢隻碟正呀. 全碟四條 tracks, 全部都係 Final Fantasy IV 入面 Love Theme o既旋律. 配上歌詞, 由伊田惠美唱o個首歌都好好聽, 係 FF 系列中最好聽o既主題曲之一, 好聽過 FFXII 同 FFX-2 o個 d 爛歌以數十倍計. 另外 nds 版本o既 Love Theme 亦好聽, 好過超任原來o個 d 電子 do do 聲.

FFIV 係我最鍾意o既 RPG 之一, 而呢個旋律係主角 Cecil 同 Rosa 之間o既主題曲, 所以我一早就已經好鍾意呢個旋律, 所以而家見佢地主力勁谷呢首歌, 大有知音之感. 最意想不到係呢個旋律配上歌詞有人唱亦一樣好聽.

Wednesday 12 December 2007

後欄著火

頭先睇報紙先知原來我屋企後面o個間學校宿舍有人開片. 打完我都唔知 tim.

====================================
加國中港學生血鬥外籍生 2007年12月13日


【明報專訊】加拿大安大略省哈密爾頓市(Hamilton)一間私立高中寄宿學校,近日接連發生校園種族衝突,涉及中國大陸及香港留學生,上周六更爆發華人學生與其他族裔學生集體毆鬥,導致當地警方要派出防暴車到場平息。中國駐多倫多總領事館已對事件表示關注。據報道,部分宿舍學生擔心遭到報復,已離開學校到其他地方暫住。

部分宿生憂報復遷走

發生衝突的是加拿大哥倫比亞國際學院(Columbia International College of Canada,簡稱CIC)的學生。引爆衝突的前因,始於上周中有中國學生向校方投訴同房宿生的非洲裔朋友滋擾欺負,結果被毆打恐嚇,接覑又有香港留學生因小事與其他國籍的學生發生爭執被打,有非華裔學生更多次出言侮辱中國學生。

及至上周六晚,一班中國留學生在宿舍觀看NBA球賽轉播時,再與外籍學生爭執,有人拉起宿舍火警警報,大批華裔和其他族裔的學生聚集在一起,雙方積聚已久的怨憤終一發不可收拾。一名已畢業的王姓中國學生當時也在現場,他表示,火警警報當晚1時半左右被拉響,宿舍內很多學生都跑出來,估計中國學生約有60多人,其他族裔約20至30人,兩派人馬對峙。中國留學生手持五星紅旗,高唱國歌在宿舍外示威,抗議中國留學生被欺負,並與一些外籍學生打鬥。他說,在現場看到棍子、拳頭及多人追逐簔打的場面。10多輛警車在衝突後相繼抵達,當中包括防暴警車。

總領館關注

接覑的周一和周二,學生生活大致恢復正常。但有學生擔心被報復,已搬離宿舍到多倫多市暫住,亦有學生認為自身安全及遭到校方不公平對待,在網上計劃號召 CIC學生,集體前往中國駐多倫多總領館請願並尋求領事保護。該校一名中國留學生說,在該校就讀兩年間,多次有東西和錢被偷。雖然多次要求宿舍當局加強管理,但收效甚微。

哥倫比亞國際學院發表聲明,指事件由偷即食麵觸發,校方不會容忍種族主義和欺凌事件發生。總領事館僑務領事姜殿昌則表示重視事件,同時呼籲中國留學生保持克制。
====================================

再見吧, 德文!

頭先返學校, 又再收到一封信, 同上次一樣, 又係好消息, 係話比我知早幾個月做o個個德文考試過o左關, 所以我o吾使再讀德文 course, 而我基本上己經做晒所有論文以外o既o野, 所以下年一月開始, 我己經算係博士候選人, 嘩, o吾覺o吾覺, 原來己經去到咁近, 只差最後亦係最難一步.

==================================
The results of the French and German translations have now been returned to the office. This is to inform you that you have successfully completed the language requirement in German. The graded examination will be retained in the department.

Congratulations and best wishes for continued success in your programme.
==================================

Monday 10 December 2007

一千蚊獎學金

今日返學, 收到封信, 係學校通知我, 話比個一千蚊獎學金我, 叫做 The Abby Goldblatt Memorial Scholarship. 每年都會比一個出去, 比 Judaism 研究生. 但係其實我地學校而家只得三個讀 Judaism 博士生, 其中一個舊年己經得過獎, 今年到我, 下年就應該到另外個女仔, 咁就一人一年, 好似 TVB d 豬肉頒獎禮咁, 大團員結局, 人人有獎攞. 雖然一千蚊算少, 但係我都好感激學校咁比面, 等我 CV 又多少少o野寫.

===================================
The Abby Goldblatt Memorial Scholarships

To be awarded to a graduate student who demonstrates academic excellence in the study of Early Judaism. The award will be made by the School of Graduate Studies on the recommendation of the Chair of Religious Studies.
===================================

Saturday 8 December 2007

猶大福音書中的猶大: 係神定係鬼? (二)

反擊出現! 一樣登o係 NY Times o個度.

==============================
December 7, 2007
Letters
The Gospel of Judas: A Word From the Translators

To the Editor:

Re “Gospel Truth” (Op-Ed, Dec. 1), about the Gospel of Judas:

April D. DeConick speaks too confidently when she talks about our mistakes in translation. She knows better. The issues of translation she highlights are almost all discussed in the notes in the popular edition and critical edition of the Gospel of Judas, and the observation that Judas is the “thirteenth daimon” in the text is open to discussion and debate.

Professor DeConick’s additional insinuations of ulterior motives by her fellow scholars in the establishment of the Coptic text and the development of an appropriate translation are extremely disappointing and disturbing. She knows how we struggled carefully and honestly with this difficult text preserved in fragments.

Professor DeConick comes up with her interpretation of the Gospel of Judas by virtually ignoring all the positive things said about Judas in the text. In the end, Professor DeConick’s Judas recalls Brando in “On the Waterfront.” He coulda been a contenda, he coulda been somebody — if he just were not so demonic.

When the positive things said about Judas in the Gospel of Judas are given fair consideration, it may be said: Judas is still a contenda. Marvin Meyer

Orange, Calif., Dec. 4, 2007

The writer, one of the original editors and translators of the Gospel of Judas, is a professor of religious studies at Chapman University.



To the Editor:

When we became involved in the Gospel of Judas project, we assembled a team of scholars to examine, conserve, authenticate and translate the Coptic manuscript. The chief translator, Rodolphe Kasser, is one of the world’s leading Coptologists.

Assisting him were three other eminent Coptic scholars. We also assembled an advisory panel of nine leading scholars and religious authorities who reviewed the manuscript, advising on its importance and impact. Once we were certain of the document’s authenticity and had a consensus translation, we published it expeditiously and put the content on our Web site.

Virtually all issues April D. DeConick raises about translation choices are addressed in footnotes in both the popular and critical editions. People can disagree about certain words, but the entire document needs to be considered for an accurate reading of the text.

When we published, we encouraged respectful, global discourse. We invite Professor DeConick and other scholars to join us at the National Geographic Society to continue the public discussion.

Terry Garcia

Executive Vice President

Mission Programs

National Geographic Society

Washington, Dec. 4, 2007
==============================

Thursday 6 December 2007

考試

為免搞搞下唔記得, 要o係呢度寫低考試時間地點:

RS 2K03, Dec 14th, Fri., 4pm, IWC 1 (4)

黃之傑是歷史人物

壬辰,中書左丞、行江東道宣慰使囊嘉特言:「江南既平,兵民宜各置官屬,蒙古軍宜分屯大河南北,以餘丁編立部伍,絕其擄掠之患。分揀官僚,本以革阿哈瑪特濫設之弊,其將校立功者,例行沙汰,何以勸後!新附軍士,宜令行省賜之衣糧,毋使闕乏。」帝嘉納之。

征宋故相馬廷鸞、章鑒赴闕,不至。

張弘范以舟師由海道襲漳、潮、惠三州,李恆以步騎由梅嶺襲廣州。阿爾哈雅遣人招安撫使趙與珞及冉安國、黃之傑等於瓊州,不從,率兵御之。癸巳,瓊州民作亂,執與珞等降,與珞及安國、之傑皆死之。

~續資治通鑒

黃之傑是黨的好孩子

徐州空軍學院構建學員創新平臺紀實

2007年09月27日 13:28

  徐州空軍學院學員科研創新花開千樹:研究生李少如、黃之傑、陳義軍參研的3項成果,分獲軍隊科技進步一等獎;“十五”期間,先後有8名學員獲軍隊科技進步獎,30余名學員獲軍事理論成果獎;學員每年發表學術論文200余篇。
  
以部隊需要牽引科研創新

為提高學員科技創新能力,學院廣泛開展了學員科技創新活動。一時間,學員隊各類學習興趣小組、科研攻關小組如雨後春筍般成立了。

學院對學員科技創新情況進行專題調查,發現實際效果並不理想。學院及時叫停了一批與部隊資訊化建設聯繫不緊密的課題研究。由專業課教員幫助學員梳理整合研究課題,指定專家教授和學科帶頭人重點幫帶2-3名學員,吸引了更多的學員參與課題研究。與此同時,他們先後在新裝備部隊建立了6個科研創新基地,從部隊實踐中尋找科技創新課題。去年8月,42隊學員來源在某航空兵場站實習期間,發現飛機洞庫門動力裝置的自動化程度不高。他利用自己紮實的理論功底,成功地對這一裝備進行改造,並撰寫了學術論文《泡沫鋁在軍事中的應用》在核心期刊上發表。
  
讓學員積極參與課題研究

經過兩年艱苦攻關,《空軍機場油庫新型多功能偽裝材料研究》課題順利完成,申報獎項答辯在即。正在此時,課題組長出國考察,研究生學員黃之傑被推到了課題答辯的前臺。年僅26歲的黃之傑以紮實的理論功底和準確的表述,贏得評委的讚許,全票通過軍隊科技進步一等獎的評選。

黃之傑入校時成績優異,創新意識較強,該課題組組長費逸偉教授果斷地吸收他加入課題組。黃之傑讀研兩年期間,費教授先後12次帶他到部隊調研,使他的科技創新能力不斷得到提高,為此次順利通過答辯奠定了基礎。

為搭建學員創新的舞臺,學院各教學單位分別建立了科研創新活動指導中心,加強對學員科研活動的指導。空軍財務係學員段翔旺電腦編程水準較高,學院及時吸納他參與學院網路課程建設,段翔旺多次協助教員進行課題開發研究,並有多項成果獲獎。

構建本碩聯動創新平臺

完善學員創新機制,構建本碩聯動創新平臺,是該院創新育人模式的又一特點。學院要求每名本科學員在校期間至少發表一篇學術論文或參與一項課題研究,讀研究生時出科研學術成果。

根據本碩聯動育人模式,學院黨委調整人才培養方案,將提高學員的創新能力納入了人才培養整體規劃,先後研究出臺了《加強學員第二課堂活動計劃》、《學員科技創新和學術研究活動實施辦法》等一系列規章制度,對學員參與科研創新活動進行規範,激發了他們開展科技創新活動的積極性。

通過長期的努力,學員科技創新能力得到全面提高。在學院“學員科技創新活動”成果展示會上,學員研發的《救生迷彩服》等32項革新成果,受到有關專家的好評,6項科研成果被推薦申報軍隊科技進步獎。

責編:曹勁

Wednesday 5 December 2007

猶大福音書中的猶大: 係神定係鬼?

頭先o係 New York Times 度見到有篇好有趣o既文章. 作者係一個正式o既聖經學者, 佢話一路以來我地都讀錯o左猶大福音, 因為大家都話猶大福音中o既猶大係好人, 呢個亦係點解猶大福音得到咁多注目o既原因之一. 但係佢話, 細心研究之下, 發覺 National Geographic Society 出o既英文翻譯有幾個大錯處, 猶大福音其實對猶大o既描寫非常負面, 同新約四福音o既觀點相同, 冇乜特別.

我而家好多o野要做, 未有時間去睇下邊個先o岩, 不過呢個提議新鮮亦有趣.

=============================
December 1, 2007
Op-Ed Contributor
Gospel Truth
By APRIL D. DECONICK

AMID much publicity last year, the National Geographic Society announced that a lost 3rd-century religious text had been found, the Gospel of Judas Iscariot. The shocker: Judas didn’t betray Jesus. Instead, Jesus asked Judas, his most trusted and beloved disciple, to hand him over to be killed. Judas’s reward? Ascent to heaven and exaltation above the other disciples.

It was a great story. Unfortunately, after re-translating the society’s transcription of the Coptic text, I have found that the actual meaning is vastly different. While National Geographic’s translation supported the provocative interpretation of Judas as a hero, a more careful reading makes clear that Judas is not only no hero, he is a demon.

Several of the translation choices made by the society’s scholars fall well outside the commonly accepted practices in the field. For example, in one instance the National Geographic transcription refers to Judas as a “daimon,” which the society’s experts have translated as “spirit.” Actually, the universally accepted word for “spirit” is “pneuma ” — in Gnostic literature “daimon” is always taken to mean “demon.”

Likewise, Judas is not set apart “for” the holy generation, as the National Geographic translation says, he is separated “from” it. He does not receive the mysteries of the kingdom because “it is possible for him to go there.” He receives them because Jesus tells him that he can’t go there, and Jesus doesn’t want Judas to betray him out of ignorance. Jesus wants him informed, so that the demonic Judas can suffer all that he deserves.

Perhaps the most egregious mistake I found was a single alteration made to the original Coptic. According to the National Geographic translation, Judas’s ascent to the holy generation would be cursed. But it’s clear from the transcription that the scholars altered the Coptic original, which eliminated a negative from the original sentence. In fact, the original states that Judas will “not ascend to the holy generation.” To its credit, National Geographic has acknowledged this mistake, albeit far too late to change the public misconception.

So what does the Gospel of Judas really say? It says that Judas is a specific demon called the “Thirteenth.” In certain Gnostic traditions, this is the given name of the king of demons — an entity known as Ialdabaoth who lives in the 13th realm above the earth. Judas is his human alter ego, his undercover agent in the world. These Gnostics equated Ialdabaoth with the Hebrew Yahweh, whom they saw as a jealous and wrathful deity and an opponent of the supreme God whom Jesus came to earth to reveal.

Whoever wrote the Gospel of Judas was a harsh critic of mainstream Christianity and its rituals. Because Judas is a demon working for Ialdabaoth, the author believed, when Judas sacrifices Jesus he does so to the demons, not to the supreme God. This mocks mainstream Christians’ belief in the atoning value of Jesus’ death and in the effectiveness of the Eucharist.

How could these serious mistakes have been made? Were they genuine errors or was something more deliberate going on? This is the question of the hour, and I do not have a satisfactory answer.

......

April D. DeConick, a professor of Biblical studies at Rice University, is the author of “The Thirteenth Apostle: What the Gospel of Judas Really Says.”
=============================

Monday 3 December 2007

九龍黃毓民

明朝羅貫中o既三國演義第四十一回, "劉玄德攜民渡江 趙子龍單騎救主", 寫出一段常山趙子龍單騎殺入曹操百萬軍中o既經典情節, 係我細個o個時最鍾意o既小說情節, 已經翻讀過好多次. 諗唔到香港亦有個九龍黃毓民, 殺入o個班如狼似虎亦善於出手打人o既土共助選團中單挑葉劉, 真係好o野呀.

三國演義有首詩讚揚趙雲o既勇猛:

血染征袍透甲紅,當陽誰敢與爭鋒!
古來衝陣扶危主,只有常山趙子龍。

我又想寫寫:

汗染征袍濕汗衫,土共誰敢與爭鋒!
古來衝陣殺葉劉,只有九龍黃毓民。

=================================
葉劉淑儀拉票黃毓民現身抗議 (星島)
12月 02日 星期日 05:36PM

立法會港島區補選2日舉行,候選人葉劉淑儀與電台節目主持人蘇絲黃,傍晚在康山區拉票時,社民連線的黃毓民突然闖入助選團中間,向葉太遞交抗議傳單,引起一陣混亂。黃毓民離開後,葉劉淑儀繼續呼籲市民支持她。其餘7位候選人陳方安生、李永健、蔣志偉、柳玉成、凌尉雲、蕭思江、何來。
=================================

Saturday 1 December 2007

尼希米之牆?



希伯來大學o既 Eilat Mazar 話發現尼希米以前起o既牆o既遺址, 呢單係超新消息, 打後會陸續有多 d 其他學者o既反應, 到時就知 Eilat Mazar o既初步估量係咪準確.

以下係 The Jerusalem Post o既報導:

=================================
Nehemiah's wall uncovered
Etgar Lefkovits , THE JERUSALEM POST Nov. 28, 2007

The remnants of a wall from the time of the prophet Nehemiah have been uncovered in an archeological excavation in Jerusalem's ancient City of David, strengthening recent claims that King David's palace has been found at the site, an Israeli archeologist said Wednesday.

The section of the 2,500-year-old Nehemiah wall, located just outside the Dung Gate and the Old City walls facing the Mount of Olives, was dated by pottery found during a recent dig at the site, said Hebrew University archeologist Dr. Eilat Mazar.

The archeologist, who rose to international prominence for her recent excavation that may have uncovered the biblical palace of King David, was able to date the wall to Nehemiah as a result of a dig carried out underneath a nearby tower, which has been previously dated to the Hasmonean period, (142-37 BCE) but which now emerges was built centuries earlier.

As a result of the excavation, both the 30 meter section of the wall and a six-by-three-meter part of the previously uncovered tower have now been dated to the fifth century BCE based on the rich pottery found during the dig under the tower, she said.

Scores of bullae, arrowheads and seals from that period were also discovered during the excavation.
"This find opens a new chapter in the history of Jerusalem," Mazar said. "Until now, we have never had such an archeological wealth of finds from Nehemiah's period."

Nehemiah, who lived during the period when Judah was a province of the Persian Empire, arrived in Jerusalem as governor in 445 BCE with the permission of the Persian king, determined to rebuild and restore the desolate city after the destruction of the First Temple by the Babylonians a century earlier, in 586 BCE.

The Persians had conquered the Babylonian empire that had destroyed Jerusalem and taken most of the inhabitants of Judah into captivity in what is now modern Iraq.

The Bible relates that despite the resistance of hostile neighbors who had occupied the area around Jerusalem in the Jews' absence, the whole wall was completed in a speedy 52-day period.

The tower at the site lies on the back of the walls of the palace that Mazar uncovered at the site two years ago, indicating that the palace must have been built first and strengthening the claim that the site was indeed King David's palace, she said.

The three-year-old dig is being sponsored by the Shalem Center, a conservative Jerusalem research institute, where Mazar serves as a senior fellow, and the right-wing City of David Foundation which promotes Jewish settlement throughout east Jerusalem.
=================================

Thursday 29 November 2007

逆轉裁判





NDS 出 d game, 十隻有九隻半係垃圾, 但係有個系列我好鍾意, 鍾意佢o既玩法, 角色, 故事, 對白; 第一集o既音樂亦非常出色, 可惜後來越走下坡. 呢個系列o係日本叫逆轉裁判, o係北美叫 Ace Attorney: Phoenix Wright. 呢個 game 入面幾個主要角色我全部都好鍾意, 特別o既係我連主角每一集o既頭號敵手我都好鍾意. 我未玩完第四集, 但係 so far 我最鍾意係第三集, 因為有好多驚喜, 可以控制主角已經死o左o個個女師父, 同埋第一集o個個敵手, o個幾個段落好好玩, 有新鮮感. 而第三集最後o個個故事亦係咁多集中最好o既一段故事, 個結局好感人. 其實呢個系列雖然 d 對白好多都唔正經, 成日搞笑, 但係 d 主角o既經歷都好悲慘, 不過亦因為咁, 而加倍得人鍾意.

成日聽有人講話會為o左 cooking mama 買 NDS, 佢地都痴線. 但係如果有人話為逆轉裁判買 NDS, 咁我覺得都合理, 因為角色故事都令人印象深刻, 只有少數好 game 可以做到呢點.

Sunday 25 November 2007

C+偵探



呢齣戲的確有驚喜, 因為姓彭呢兩兄弟, 自從見鬼之後就冇出過好戲, 見鬼2, 見鬼10, 死亡寫真, 阿孖有難, 妄想, 鬼域都認真麻麻, 不值一睇. 所以見呢齣由郭富城主演o既彭氏電影, 本來真係一 d 期待都冇, 點知原來幾好睇. 成齣戲由郭富城一個做晒, 都唔錯, 冇佢之前做三岔口o個 d 誇張難看o既表情; 廖啟智亦好好睇, 觀眾應該都會鍾意佢.

個故事有偵探片原素, 又有驚嚇片原素, 甚至有鬼片原素, 有時又出兩句搞笑對白, 睇得好開心, 由頭追睇到落尾都唔覺悶. 個故事最好就係夠平實, 所以亦冇夾硬扭橋o既必要. 呢齣戲唔係金田一, 觀眾唔使去諗誰是兇手, 只係郭富城查案o既經過, 但係因為個經過不斷出現有趣o既角色, 不斷有驚險事情發生, 所以由頭到尾都睇得投入, 去到結局, 有種好滿足o既感覺. 係一齣觀感一流o既電影.

Wednesday 21 November 2007

Angry Video Game Nerd: Dragon's Lair

正呀, Angry Nintendo Nerd 最正o個 d review 都係最早期o個 d (我o既飛佛係忍者龜), 又簡單, 又搞笑. 最近呢個 review 有返以前o個種簡單 feel, 令人回味無窮, 個結尾就更加係高潮所在.

Tuesday 20 November 2007

死不悔改: 挪亞方舟國際事工



頭先見到挪亞方舟國際事工個網頁有 d 新資料, 講到影音使團自從話"發現"挪亞方舟後有乜搞作. 其實一句講晒, 就係直到今日為止, 佢地都未能證實"發現"方舟, 佢地甚至唔知自己發現o左 d 乜, 但係佢地估係挪亞方舟, 不過就不斷巧言令色俾人一個真係已經發現方舟o既假象, 籌錢都仲算小事, 因為自己唔用腦就俾錢係自作自受, 死在佢地仲叫人信耶穌, 因為方舟已經"證實"係真... 大佬呀, 第日你真正查到話唔係挪亞方舟, 咁 d 因此而信耶穌又如何自處呢? 真係不負責任.

上次佢地話見到o個個望落似係大型木結構o既o野o係新報告中已經冇提及 (有冇搞錯呀?), 今次講o既係第二樣o野, 話有個當地人o係個洞穴中發現有舊化石木, 佢地去搵, 就o係個山洞中搵出一舊 11.5x2.6 米o既化石木. 你估都估到, 佢地一口咬定就話呢舊木來自挪亞o個隻方舟, 因為"亞拉臘山高處的嚴酷氣候,已持續4000多年,令高地缺乏樹木生長". 有趣, 咁我又想問, 創世記 8.10-11 話: "Noah sent out the dove from the ark. The dove came to him toward evening, and behold, in her mouth was a freshly picked olive leaf". 既然該處冇樹木生長, 又何來 olive leaf 咁奇怪呢? 佢地又話, "木結構的龐大體積,亦無法輕易運載登山". 首先, 比起金字塔, 比起長城, 都唔係好龐大, 亦唔係好難運載 je. 最後, 如果世上真係有過大洪水, 即是話世上不知有過幾多木當時被沖上本來唔應該出現o既地方, 你又何解咁神奇可以知道呢塊木就係挪亞方舟上面o既一塊木呢?

Monday 19 November 2007

閻韋伶: 傻孩子


01.Be With Me
02.傻孩子
03.很用力
04.春夏秋冬
05.Sunday
06.黑白鍵
07.Olivia
08.這裡
09.有一首歌
10.Happy Birthday To Me


台灣 d 人唱歌係幾勁, 好多之前未聽過名o既人出o黎第一張碟, 好多時就好聽過 Parco 同英皇煲到懶係有實力o既人. 之前聽郭靜就已經大為驚艷, 呢個女仔 d 歌又係好聽. 我都係鍾意郭靜把聲同個樣多 d, 但係呢個閻韋伶呢張碟都幾好, 十首歌中, 傻孩子, 很用力, 春夏秋冬, sunday, 黑白鍵 (有 soler 和音!!!), olivia, 這裡, 成七首歌咁多我都覺得好聽.

Uncharted: Drake's Fortune



本來呢隻 game 係 20 號先出, 但係 d 舖頭偷步, 一早已經放晒出o黎賣, 所以我星期六已經買o左. 雖然我少玩動作 game, 但係呢隻 game 我好鍾意, 係我最鍾意o既動作 game 之一, 已經好耐冇試過連續兩日勁打機, 一氣呵成由頭打到落尾爆機, 當爆機畫面出現o個時, 真係覺得好滿足.

呢隻 game 好似係遊戲機版本o既 National Treasure 咁, 故事講 Nathan Drake 想搵出同自己祖先 Francis Drake 有關連o既寶藏, 佢有個老老地o既 partner 叫做 Sully, 亦有個女記者叫 Elena 跟住佢, o係尋寶途中又有好多海盜想搶佢 d 地圖... 所以個故事就好似睇戲咁, 有追看性, 想一路睇發展落去會變成點, 而且個 presentation 又同個遊戲本身好夾, 由 game play 轉去 cutscenes, 再轉返去 game play o既轉折非常流暢, 而且個 game 又頭到尾都唔使 save (佢會自動紀錄), 所以會唔覺唔覺就坐o係度玩o左幾粒鐘. 故事以外, 角色亦非常吸引, 主角同個記者妹都好有性格, 有時又會出句抵死對白, d 配音又出色, 所以玩到中段, 已經變得好鍾意呢兩個角色, 變成想一路玩到爆機o既動力之一, 想睇佢地下場如何. 非常期望佢地出第二集, 延續呢 d 角色.

至於玩法, 主要有兩個部份, 一個係槍戰同埋爬o野搵路. 兩樣都幾好玩, 不過我就更加鍾意爬山搵路同埋解謎o既部份, 如果少 d 槍戰, 多 d 搵路解謎就更加合我口味. 其實就係好似 Tomb Raider 咁, 但係就出色好多, 唔會迷路, 槍戰o既控制亦流暢好多.

我兩日勁玩就爆機, 大概十個鐘咁上下. 其實都唔算好短, 比起 Bioshock 同 Metroid Prime 當然係好短, 但係比起 Resident Evil 或者 Metal Gears 就其實都差唔多. 呢個 game o既步伐非常之快, 所以玩到爆機o個時都覺得差唔多. 不過當然, 咁好玩, 的確係越長越好.

Friday 16 November 2007

Severance



Shaun of the Dead 係英國玩o野版本o既喪屍片; Severance 就係英國玩o野版本o既野外殺人片. 故事就係講一班人去野外活動, 點知俾人逐個殺, 當中又時不時搞下笑咁, 基本上就係 Shaun o既精神引申. 不過我覺得成績唔及 Shaun, 主要係因為 d 笑料冇咁好笑, 睇落冇咁過癮, 有時甚至會覺悶. 不過有 d 地方都有少少 surprise, 算係打倒一向野外殺人片方程式, 不過呢個小好處補償唔到劇情推進唔夠快o既缺點.

總括就係麻麻地, 唔推薦俾未睇過o既人, 與其睇呢齣, 不如翻睇 Shaun 可能仲過癮 d.

Thursday 15 November 2007

地獄第 19 層



本來對呢齣戲有 d 期許, 因為恐怖片係我心頭好, 個片名聽落幾吸引. 同埋一向鍾意譚耀文, 想睇下佢 d 戲, 作為精神上支持. 至於阿嬌做主角, 都 ok, 因為之前睇"公主復仇記", 佢o係我心目中加o左好多分.

可惜期望o既結果係失望. 首先, 呢齣戲一 d 都唔恐怖, 個地獄奇幻 feel 就有, 驚嚇度就真係不足. 所以雖然阿嬌要走入地獄, 但係觀眾亦唔會為佢擔心緊張. 唯一好o既就係 d 特技唔錯, 我覺得好過李心潔o個齣"鬼域". 個故事又混亂, 去到後面搞到可以進入其他人o既幻覺入面, 唔明佢搞邊科. 如果佢講明係奇幻故事, 咁又 ok 喎, 但係佢鬼怪得o黎要想用精神科學o黎解釋, 但係去到後面又有唔係理性可以解釋o既情節, 搞到好混亂.

至於演員, 全部演出都只屬一般, d 配音聽落怪怪地, 更加令人難以投入.

一句講晒, 睇呢齣戲等於浪費時間.

Wednesday 14 November 2007

500 科大生無厘頭聲討校方

============================
500 科 大 生 聲 討 校 方

【蘋果日報】 科 技 大 學 化 學 系 博 士 生 葛 煒 煒 吊 頸 自 殺 身 亡 , 500 名 科 大 學 生 當 中 主 要 為 內 地 生 , 昨 日 向 校 長 朱 經 武 作 出 控 訴 , 指 摘 科 大 將 葛 煒 煒 由 博 士 貶 為 碩 士 , 其 指 導 教 授 徐 兵 又 決 定 離 開 科 大 , 導 致 已 患 有 抑 鬱 症 的 葛 煒 煒 對 前 景 感 徬 徨 , 最 後 走 上 絕 路 。 葛 煒 煒 雙 親 今 日 抵 港 辦 理 兒 子 身 後 事 。

研 究 生 出 路 不 足

不少 研 究 生 在 會 上 投 訴 , 科 大 未 設 研 究 院 , 對 研 究 生 就 業 及 心 理 照 顧 也 不 足 。 科 大 副 校 長 錢 大 康 說 , 校 方 正 研 究 成 立 研 究 院 , 為 研 究 生 提 供 更 全 面 的 照 顧 。

至 於 教 授 去 向 問 題 , 朱 經 武 說 , 單 是 商 學 院 今 年 已 被 挖 走 四 人 , 其 中 一 名 教 授 被 美 國 以 150 萬 美 元 ( 約 1,168 萬 港 元 ) 年 薪 挖 走 。 科 大 強 調 , 至 今 尚 未 收 到 徐 兵 的 請 辭 , 正 了 解 事 件 。
============================

d 人都痴痴地, 咁都有得投訴, 仲要投訴埋 d 白痴低能o野. 大佬, 你當初搵學校o個時乜唔知科大冇研究院o既咩? 而家入o左學先o黎投訴? 學術世界就係咁o架啦, 你有本事, 咪考間有研究院o既學校囉, 又或者你而家唔滿意科大冇研究院, 咪轉校去間有研究院個囉. 如果轉唔到, 只有怪自己唔夠人勁, 又或者投胎冇投去 d 大富之家, 投乜鬼訴?

投訴科大將人由博士貶為碩士又係無聊. 被貶o個個覺得無理, 好簡單 je, 咪轉校囉, 搵過間承認你學歷能力o既學校囉, 如果搵唔到, 只有怪自己之前讀得唔夠好, 又或者入錯 d 雞校. advisor 跳槽亦好平常 je, 其實根本係好事, 之前親自教你o個個人有第二間更好o既學校賞識, 你做到個咁o既人o既學生, 直頭係行大運啦, 第日佢幫你寫封 reference 都勁好多啦. 如果個 advisor 走o左就怕冇第二個接手, 咁就係擔心太多, 又或者只可怪自己點解入間學校 d 老師咁易俾人挖走. 當初入間好 d o既學校, 咪冇咁多老師成日諗住想走囉.

辣塊媽媽, 咁都投訴得一餐.

Saturday 10 November 2007

The Best of mihimaru GT



我咁大個人, 但係從未聽過有隻碟係所有歌都好聽o既, 精選碟都係咁話. 但係呢隻 mihimaru 大碟有 16 首歌, 隻隻我都覺得好聽, 可以放隻碟入機, 唔使跳歌, 唔使自己再 burn 過, 又頂癮又抵買. 全部歌都好, 不過我就特別鍾意 tracks 1, 2, 3, 4, 5, 8, 15. 如果行住把刀o係我某 d 人體要害, 強迫我講一首最鍾意o既, 我諗會係第二首 Love is..., 又或者第十五首 Kaerou Ka, 睇心情.

佢地呢個組合真係絕配. 個女o既可謂聲色俱備, 唱又得 rap 又得; 個男o既就製作 d 歌好聽之餘又有特色, rap o個時同把女聲又夾. 期待佢地將來繼續製作出更多好歌.

Friday 9 November 2007

創意大哂?自由大哂? by 李耀強

====================================
創意大哂?自由大哂?
by 李耀強

吳志森先生的大名,在香港只要稍為有點文化或甚至關心社會、教育、時事的家庭主婦都認識他!誰有他那麼幸福,在香港電台(《自由風、自由 Phone》的節目),一個星期有五天,每天有三個小時的言論發表的權利,最近吳先生還客串《傳媒春秋》、《明報》及《蘋果日報》更常常看到他的大作!

今天(十一月七日)在《蘋果日報》,他就發表了一篇題為〈廿三條的刀早已懸在頭上〉的文章,討論的議題是最近「住好的」售賣「拾肆K」T恤和明信片,而吳志森認為,O 記竟然調動超乎比例的警力,又預先通知傳媒,高調上門拘捕有關人士如店員店長設計師,是反映出香港社會充滿傳統上道德上政治上法律上的禁忌,是有違創意自由「至高」原則的!

筆者也是一個創意教育工作者,(請參看網址http://www.athink.org),創意教育的目的也是針對「解難」而進行的。而在對學生進行創意教育時,筆者也認同在激發創意的第一個階段時,可以讓參與者天馬行空,接近毫無禁忌(粗口污穢說話就不可以了吧,因對整個群體討論毫無建設性幫助,而且男女生一起討論,一個起碼的互相尊重底線也要有吧!),多麼新奇古怪的念頭都可以發表。但在第二個階段,到選擇解難的方法或答案時,也必須遵守合情合理合法可行性最高及合乎整個群體道德價值的出路!

而且真正好的創意是向着真、善、美、愛的方向走的,那些包含著假、惡、醜、恨的創意,對啟發下一代的思想,培育下一代健全祟高的心智有幫助嗎?作為教育工作者能不對下一代予以諄諄善誘,使學生向着正路而行嗎?

筆者曾經和學生討論「賭波應否合法化」?用創意教學法,的確能令學生立即生氣勃勃,爭著發言,其間不乏創意和發人深省的觀點,師生關係也拉近了,但最後一定要以價值教育作結;因為有個別學生真的很認真的認為「賭波可以創業興家」,「不賭不發達」,「小賭怡情」。

再多舉一個例子,作為教育工作者,對小學生或初小甚至高中學生,在進行品德價值教育時,討論到交友、戀愛、性愛等的問題時,老師與學生經過多角度充分的討論及思考後,老師是否可以全無立場,任由他們選擇自己喜愛的做法而且極有可能劍及履及的去實行?難道現在的傳媒報刊雜誌,在這方面所傳遞的信息,還不夠令他或她們滿腦子「自由性愛觀」,所謂情慾流動,任憑己意而行的思想嗎?

所謂嚴守「價值中立」的品德教育的價值澄清法,完全是個神話,是個不合乎教育原則的謊言,教育工作者怎能在品德價值教育中,沒有自己的立場和看法呢?

我們要教出一群怎樣的學生?就是愛己、愛人、有多元思考能力、有積極正面思想(不輕易放棄或自殺)、有道德勇氣、敢於追求夢想、有祟高品格的學生!

作為教育工作者,我必須以極嚴肅而鄭重(當然是和平的)的語氣跟吳先生說:不是一句創意自由,打破禁忌,就可以胡作非為,創意自由是有底線的,我們是活在群體中,群體中有些共同認信的真善美愛的價值,必須要共同遵守,和互相尊重的!

懸在香港人(特別是心智尚未完全成熟的青少年人)頭上的那把刀,絕不是廿三條,而是這十多年來有部分傳媒日日向全港市民傳播一些惡、濁、醜的色情資訊。

http://www.christiantimes.org.hk,時代論壇時代講場,2007.11.9
====================================

我真係睇唔明呢 d 教會角度, 完全唔明佢係點諗o野. 從教會o既角度, 杜絕色情資訊竟然比杜絕廿三條重要? 如果問我, 要我二選一, 一係就香港永遠冇晒色情資訊, 一係就永遠唔會有廿三條, 鬧共產黨 x 街都唔使坐監, 我係諗都唔使諗. 大佬, 你要講道德冇所謂, 但係你唔好混淆視聽, 對香港人o黎講, 冇o野重要得過言論自由. 你可以話今次 14k 事件唔關言論自由事, 但係你唔好話言論自由現時o黎講對香港唔係最迫切問題.

作為香港仔,我必須以極嚴肅而鄭重(當然是和平的)的語氣跟李先生說:不是一句這十多年來傳媒日日向市民傳播色情資訊,就可以胡說八道,說廿三條不是港人的頭上利刀. 評論香港道德風氣是有底線的,我們是活在群體中,群體中有些共同認信的真善美愛的價值如言論自由, 反對廿三條,必須要共同遵守,和互相尊重的!

加多句, 之前我都已經講過, T恤上面印句 14k 對社會道德風氣o既影響不及一單傳道人馮俊業淫辱子教友o既風化案o既千萬之一. 麻鷹唔管管雞仔, d priority 搞到亂晒. T恤上面有句 14k 係唔係有違道德風化睇怕仲有待討論, 但係搞細路就一定係.

ps, 頭先 google 一下"李耀強"呢個名, 發覺原來佢係大公報寫手, 唔知係咪同一個人... 睇佢寫 d o野就覺得似係同一個人囉. 真係諗唔到時代論壇而家會變到好似大公報咁, 真係慘.

Thursday 8 November 2007

Emmy Rossum: Inside Out



之前睇電影見佢做 d 大配角就覺得佢幾靚, 原來唱歌都掂, 不枉佢有唱鬼佬大戲底子, 係有 d 料到. 呢隻碟冇乜人講, 不過我覺得 d 歌幾好聽, 一律都係輕輕柔柔咁, 有 acappella feel, 由佢自己唱返 d 和音, 聽落幾舒服. 其實咁多首歌風格一致, 不過亦令到成隻碟都好似係同一首歌咁, 可能會有人覺得悶. 我自己就幾o岩聽, 覺得 Rainy Days and Mondays, Inside Out, Slow Me Down 特別好, 較為突出. 話時話, 聽呢隻碟o個時我就諗起我好鍾意o個套日本動畫 Last Exile o個 d 音樂同埋主題曲, 個感覺好相似.

佢把聲幾好聽, 聽落亦適合呢 d 風格o既音樂, 佢將來有得再出碟我都會支持.

Wednesday 7 November 2007

Aleppo Codex: 返來囉, 返來囉



早幾日先講開西乃抄本, 其中一本最重要o既新約聖經抄本, 諗唔到今日就睇到有單關於 Aleppo Codex, 其中一本最重要o既舊約聖經抄本, o既消息. o係死海古卷重現江湖之前, Leningred Codex 同 Aleppo Codex 係最早o既舊約聖經抄本, 來自公元 900-1000 咁上下. 不過因為打仗關係, Aleppo Codex 曾經不知去向幾年, 後來無厘頭重現o係以色列國內, 不過就有好多頁抄本唔見o左, 摩西五經全部唔見晒咁滯. 有興趣想睇下 Aleppo Codex 真正點樣, 可以o黎呢個好正o既網頁睇睇.

頭先o係以色列報紙 Haaretz 睇到, 原來有個生意佬叫做
Sam Sabbagh, 佢咁多年來都藏有一頁甩o左出o黎o既 Aleppo Codex, 而家佢死o左, 呢頁無價o既舊約抄本就被送返去以色列, 終於可以同 Aleppo Codex 重新合體. 上面o個張相就係呢頁抄本, 係出埃及記o既部份.

時不時就會有呢類騎呢故事出現, 呢個就係聖經研究有趣o既地方.

Peter Flint 講座

頭先發覺, 我以前個老師 Peter Flint 有個 lecture 可以o係 Brigham Young U 個網頁度下載, 叫做 The Adventure of the Dead Sea Scrolls—Exploring the Greatest Discovery of the Twentieth Century. 當然係講死海古卷. 內容適合俾新手聽.

Monday 5 November 2007

FUNKY MONKEY BABYS - もう君がいない



呢隻 single 首主打歌好好聽, 同埋個 mv 搵之前做 Liar Game o個個靚女主角o既戶田惠梨香拍, 個 mv 有晒故事, 又拍得靚, 好正. 值得推薦. 講開 Liar Game, 漫畫好似停o左幾個星期 lor wor, 唔知停到幾時, 希望唔好變到 Death Note 咁, d 橋越度越雞. 我就寧願等耐 d, 等個作者諗到好計先再o黎過, 唔好玩爛個系列.

Sunday 4 November 2007

SAGE journals: 十一月賣大包

今個月 SAGE journals online 可以免費任睇, 對於冇返緊學, 又或者學校冇訂 SAGE o既人o黎講係好消息. 對聖經研究學生, SAGE 當中最具吸引力o既 journals 有 Journal for the Study of the Old Testament, Journal for the Study of the New Testament, Journal for the Study of the Historical Jesus, Journal for the Study of the Pseudepigrapha.

只要上 online.sagepub.com 註冊, 就可以免費睇呢 d journal 一個月. 當然, 醒目仔會任意 download 定, 第日慢慢睇.

Who Owns the Codex Sinaiticus?



我每年都交幾十蚊訂一本叫做 Biblical Archaeology Review o既雜誌. 我唔係每一本都會睇晒, 因為有 d article 會比較有趣, 有 d 就吸引唔到我. 最新o個一期就有篇文章好有趣, 值得推介.

篇文叫 Who Owns the Codex Sinaiticus? 係講 Constantin von Tischendorf 點樣為要發現新o既新約聖經抄本而走遍全世界o既圖書館, 最後俾佢o係間修道院發現西乃抄本, 世上最重要o既新約聖經抄本之一. 而背後o既故事亦有趣, 講到政治同修道院話事人之間o既角力, 點樣影響到呢個抄本o既命運. 亦有講到而家o既一個大 project, 點樣保存呢個已經算係飽受劫難o既抄本.

我覺得內容好有趣. 平時睇希臘文聖經o個時, 常會見到西乃抄本, 之前亦知道係最早o既新約抄本之一, 但係都係睇完呢篇文章先知原來背後有呢 d 咁過癮o既故事. 值得一睇.

I Now Pronounce Chuck and Larry



Adam Sandler 同 Kevin James 新o既喜劇. 故事講佢地其實都係雙性戀, 但係為o左 d social benefit, 佢地兩個假結婚, 扮基. 扮扮下, 佢地開始俾其他人歧視, 但同時亦有好多同性戀o既支持者, Sandler 同索女 Jessica Biel 又搞出曖昧, 最後搞到要上法庭. 呢齣戲非常麻麻, 主要係因為作為一齣笑片, d 笑料唔夠好笑, 比起 Sandler 之前幾齣戲都要遜色. 兩個主角之間化學作用亦只屬一般, 同樣有兩個男主角o既 Anger Management 同埋 Reign Over Me 差好遠.

總括, 呢齣喜劇唔夠好笑, 想講o個 d 有關同性戀o既信息膚淺, 比起 Sandler 前作 Click 同 Reign Over Me 遜色. 求其睇下冇所謂, 只不過唔好有乜祈望.

Friday 2 November 2007

14K

============================
指涉黑社會 O記掃「G.O.D.」
拾肆K T恤玩出禍

有我咁大膽、無我咁抵死!本港極具創意噱頭的品牌店「住好皷」,繼推出粗口諧音系列後,最近又有「踩鋼線」的出位傑作,在T恤和明信片印有「拾肆K」字 樣。警方以涉嫌違反《社團條例》採取行動,昨由O記探員搜查其全港門市部及辦事處等,十八人被拘捕,包括九巴創辦人雷瑞德外孫楊志超及另一名老闆劉玉德, 檢走八十八件T恤及五百張明信片。

意指十四K金

昨晚警方提醒已購買該款T恤的顧客,亦可能觸犯有關法例,呼籲主動與警方聯絡。「住好皷」發言人解釋,「拾肆K」的原意創作是指「十四K金」,有關報章及 警方曲解他們的設計意念,對此感到無奈。該款T恤和明信片自今年九月發售以來反應一般,T恤只賣出十多件,明信片更只出售了數張,購買了有關物品的市民, 可以拿有關物品回店舖退貨。 警 方有組織罪案及三合會調查科(俗稱O記)A隊署理警司鄭福全表示,早前有報章報道指出,「住好皷」售賣的T恤,印有「拾肆K」懷疑三合會社團字眼,警方對 此非常關注,諮詢黑社會專家及法律專家意見後,認為有關T恤可能觸犯香港法例中的《社團條例》,於是決定採取掃蕩及拘捕行動。

行動共拘18人

昨午二時開始,大批探員兵分多路,除突擊搜查銅鑼灣禮頓道、中環荷李活道、尖沙咀海港城三間分店外,探員亦到元朗貨倉及辦公室調查,檢獲大批印有類似一個 三合會社團字樣的T恤及明信片,T恤每件售二百八十八元,圖案並綑有中國式框邊。警方在連串行動中共拘捕九男九女,包括設計師、公司負責人及售貨員,年齡由二十一至五十一歲,他們涉嫌管有懷疑屬於或關於三合會社團或三合會社團任何分支機構的徽章。據「住好皷」市場部經理馬潔瑩承認,公司兩名股東楊志超及劉玉德應邀到警署助查。被搜查的三間分店一度關門暫停營業,數小時後再重開。

穿上街屬犯法

O記署理警司鄭福全重申,市民如果穿上有關T恤或帶明信片出街亦有可能被捕,他呼籲購買了有關T恤或明信片的市民,可致電2527 7887與警方聯絡。鄭又強調,設計師有責任清楚知道是否觸犯法例,若果未能弄明白,可以諮詢法律意見。
============================

睇完呢單新聞, 心生奇想. 須知道, 黑社會o係香港唔使正式註冊 gar mar, 咁即是話, 要成立一個新字頭話都冇咁易, 又唔使政府批文. 咁我如果返香港, 成立個社團, 例如叫做"Nike," 又或者"和黃集團," 唔知香港警隊係咪會掃晒香港所有 Nike shop 同埋叫和黃收舖呢?

Wednesday 31 October 2007

蔡健雅《Goodbye & Hello》



頭先聽蔡健雅隻新碟, 有首歌一聽就好鍾意, 連續 repeat 幾次, 係第五首"越來越不懂". 呢隻碟我覺得 d 輕快o個 d 歌比較好, d 慢歌反而冇乜好聽. "It's True" 同 "晨間新聞" 都唔錯. 同埋不得不講, 個封面搞乜? 好似甩色咁, 好肉酸. 最近最鍾意o既女仔碟始終都係郭靜o個隻, 好多正歌.

Sicko



暑假上咁多齣戲, 其實我最期待想睇o既係呢齣, Michael Moore 新o既紀錄片. 今次佢個題目係美國o既醫療制度, 佢想講o既係, 美國有好多人冇醫療保險, 而美國人雖然知道呢個事實, 但係就一直都當睇唔見, 而佢今次就將好多個案放上畫面, 要美國人睇見一個冇保險o既阿婆俾醫院送出街, 睇見冇保險o既 911 英雄冇錢睇醫生, 睇見一個細路女因為醫院基於保險條例唔肯醫所以瓜柴, 然後要佢地回答, 佢地係咪可以接受美國係一個咁涼薄o既社會.

除o左冇保險o既人, 佢亦有講到有保險o既人. 講到好多個案, d 有保險o既人俾保險公司玩, 搞到一身蟻. 而呢 d 保險公司因為要增加利潤, 當然會將金錢放o係人身健康之上, 合理之餘亦好唔合理, 好吊詭.

總括o黎講, 我覺得呢齣戲好正, 雖然題目嚴肅, 但係拍出o黎幾搞笑, 有好多笑位, 亦有令人動容o既情節, 由頭到尾都唔覺悶, 拍紀錄片拍到好似 popcorn movie 咁, 算佢好o野. 雖然好多人都鬧佢個 solution 唔得, 但係如果問我, 交勁稅同埋要等, 但係人人有免費醫療, 我會覺得免費醫療比較好. 事關睇完佢齣戲之後, 第日當我可以交少 d 稅, 同埋睇醫生唔使等, 我就會不其然諗到有 d 人俾醫生拒於門外, 話之佢死, 真係會良心不安.

Tuesday 30 October 2007

楊太復出

====================================
楊麗娟母星光大道杖擊華仔

狂迷楊麗娟母親昨晨到尖沙咀天星碼頭祭祀丈夫,其後楊母再到星光大道,見到劉德華手印時非常激動,以拐杖擊打華仔的名字,又在上面吐口水及焚燒報紙,擾攘近一小時後才離開。事後星光大道管理有限公司營運經理表示,檢查後手印沒損壞,故不會追究。
====================================

精采呀, 呢排香港好熱鬧, 巴士阿叔同楊氏餘孽最近都有所動作, 出返o黎見人. 希望楊麗娟自己都出o黎見下我地 d fans.

Friday 26 October 2007

黃彼得, 亂咁 up

頭先o係最新o個期"金燈臺"度讀到黃彼得一篇文章, 叫做"神創造人類的原本旨意". 忍唔住要 post 上o黎恥笑一番, 因為實在錯到阿媽都唔認得. 呢篇文章係解希伯來書一 d 經文, 其中有一段:
第 2 章第 7 節:“你叫他比天使微小一點。”這裏“天使”希臘文是 Elohim“神”,這裏說人比神微小,因為神是創造者,人是受造者;但神卻把祂自己的榮耀尊貴賜給人類。中國人認為“人為萬物之靈”,因為體會到人的尊嚴,人的榮耀。人有靈,是最寶貴的事;靈是超物質的,是永恆的,靈就是人的生命,不是物質能限制的,也是神給人類最寶貴的禮物。
佢o既解經真係錯得離譜. 希伯來書的確係希臘文寫成, 但係o係希伯來書 2:7, o個度天使係 angelos, 唔係 elohim 喎. 大佬, elohim 根本就唔係希臘文, 係希伯來文o黎o架嘛, 黃彼得係度 up 乜呀? o係希伯來文舊約聖經o既詩篇 8:6, o個度天使係 elohim, 但係希伯來書 2:7 quote o既係七十士譯本 (希臘文舊約聖經), 唔係希伯來文聖經喎, elohim 關乜事呀? 仲要話 elohim 係希臘文, 想混沌視聽, 愚弄 d 冇原文基礎o既讀者. 而家佢根本就夾硬將 angelos 解成神, 唔識希臘文o既人都知唔 work 啦.

唉, 簡直係亂o黎.

好驚呀? 咁大反應o既?

=======================================

China's Olympic Opportunity

By MARTIN LEE

October 17, 2007; Page A18

When President George W. Bush accepted President Hu Jintao's invitation to attend the 2008 Summer Olympics in Beijing, Mr. Bush's press secretary said that he was going to the Games as "a sports fan, not to make any political statement." I too am a great sports fan -- especially of the Soccer World Cup -- but I would encourage President Bush to take a broader vision of the possibilities for the Beijing Games. He should use the next 10 months to press for a significant improvement of basic human rights in my country, including press, assembly and religious freedoms.

This should be possible, since Chinese leaders have promised to make these improvements anyway. In their pledges to the International Olympic Committee while bidding for the Games and since, China's leaders at all levels repeatedly assured the world that they would use the Games to go beyond improving the country's physical infrastructure.

"By applying for the Olympics, we want to promote not just the city's development, but the development of society, including democracy and human rights," one of China's key Olympic figures, Deputy Mayor Liu Jingmin, told the Washington Post in 2001. Then, Mr. Liu said, "If people have a target like the Olympics to strive for, it will help us establish a more just and harmonious society, a more democratic society, and help integrate China into the world."

I couldn't agree more. But instead of the hoped-for reforms, the Chinese government appears to be backsliding on its promises, including in Hong Kong where we have near total political paralysis, not the promised road to full democracy. That is no reason to give up on the prospects for reform in China. But it is reason to step up the direct engagement on these pressing issues.

In accepting the invitation to attend China's Games, President Bush said this would be "a moment where China's leaders can use the opportunity to show confidence by demonstrating a commitment to greater openness and tolerance." Instead of a "moment" of change, China needs structural and long-term reforms: placing the Communist Party under the rule of law, unshackling the media and Internet, allowing religious adherents to freely practice their faiths, ceasing harassment of civil-society groups that work on AIDS and the environment, and addressing modest calls for accountability in the political system. Mr. Bush and other world leaders planning to attend the Olympics should not wait for the opening ceremony, but must start now with sustained efforts to achieve this agenda.

One reason for optimism about the possibilities for progress in China is recent Olympic history. When South Korea bid for the 1988 Games, the country was a military dictatorship. Due in good part to the prospects for embarrassment and international engagement, the Olympics helped kick off an overdue peaceful political transformation in South Korea just six months before the launch of the Seoul Games. Since then, South Korea has endured as one of Asia's most stable and vital democracies. The parallels between South Korea and China are not exact, but the lesson is that the Olympics certainly present an opening to raise these issues in the context of the Chinese government's own promises.

In the U.S. and elsewhere, there are campaigns to boycott the Beijing Games over the Chinese government's trade with and support for regimes in Sudan and Burma. As a Chinese person, I would encourage backers of these efforts to consider the positive effects Olympic exposure could still have in China, including scrutiny by the world's journalists. This is certainly the time for Chinese leaders to step up and constructively use their clout in Asia and Africa. In so doing, Beijing should open a new chapter of responsible foreign policy and convince the world it is not oblivious to these issues.

Chinese people around the world are proud that China will host the Games. China has the world's fastest growing economy, and may indeed put on history's most impressive Olympic Games next August. But how does it profit our nation if it wins gold medals but suffers from the continued absence of democracy, human rights and the rule of law?

It is my hope that the Games could have a catalytic effect on the domestic and foreign policies of the Chinese government, and that the Chinese people will remember the Games long after they are held -- not merely for medals won, but also because they were a turning point for human rights and the rule of law in China. That would be something worth cheering.

Mr. Lee is a democratically elected legislator and the founding chairman of Hong Kong's Democratic Party.

=======================================

李柱銘o係 Wall Street Journal 出o左篇文, 其中有一句向布殊呼籲, "should use the next 10 months to press for a significant improvement of basic human rights in my country, including press, assembly and religious freedoms." 李柱銘對美國總統o既呼籲, 其實就等於巴士阿叔叫特首唔好拆碼頭, 又或者任何一個維園阿伯叫特首快 d 拆碼頭一樣, 人地采你都有味, 人地要做乜唔會俾你影響到, 即是話李柱銘其實只係講o左句廢話. 如果有棵樹o係一個冇人o既森林入面爆炸, 算唔算有聲呢? 如果李柱銘句廢話美國總統完全聽唔見, 當佢冇到, 咁佢又算唔算有講過o野呢?

但係唔知點解, 掘起中o既大國公民咁大反應, 實行小事化大, 連續兩日上晒頭條, 齊心以行動證明, 講o野唔o岩聽o既中國人會被"公幹". 人地要干預又如何? 好驚美國呀? 咁大反應o既? d 條件反射好似驚俾阿媽鬧咁. 最頂癮o既係, 咁多人鬧李柱銘, 個個都只係鬧佢做漢奸, 叫外國人干預中國內政, 而冇人鬧佢講大話, 詆毀中國人權狀況, 根本上就係曲線默認中國o係傳媒, 集會, 宗教自由上o既基本人權真係有問題. 香港仔學o野啦, 要好似下面呢條友咁先叫真正愛國o架嘛, 擦阿爺鞋都要醒目先得o架.


天劍 Heavenly Sword



都好耐冇玩一個 game 玩到爆機 lu. 尋晚就玩 Heavenly Sword 玩到爆機. 當然, 一來個 game 真係幾短, 不過亦因為我好鍾意呢隻 game, 所以先會有興趣玩到尾. 我一向對動作 game 都興趣不大, 所以當有隻動作 game 吸引到我, 就要o係呢度表揚一番.

覺得 Heavenly Sword 好玩係因為佢有好多特別o既地方. 首先, d 唔識玩o既人會 mash buttons, 胡亂出招, 但係咁玩係唔掂o既, 因為好多時敵人太多, 會成日俾人打中. 又未必會死, 不過樣衰. 正確, 而有型o既玩法係要小心好多, 睇清楚擋到人地攻擊o個一刻用 counter attack, 而呢 d 反擊o既 animation 好有型, 每當成功使出, 都會有種莫名o既滿足感. 另外 aerial combo 亦非常精采. 你可以打人上半空, 再跳上去打佢, 但係o係半空會變成慢鏡, 會有足夠時間出 d 好型o既招數, 好過癮.

另外, 亦唔係只有劍斗, 亦有好多地方要用箭射人. 有趣o既係支箭射出後, 會變成慢鏡頭, 跟住支箭飛, 你可以改變支箭o既方向, 當睇住支箭射入敵人隻眼度, 發出慘叫, o個種快感真係好頂癮. 畫面亦靚, 人物設計亦出色, 尤其係主角 Nariko 同 Kai, 短短幾粒鐘就變成好鍾意佢地. d 環境亦好正, 有 d 地方甚至令我諗起 ICO, 嘩, 如果第日出隻好似 ICO 咁o既 game, 而有 Heavenly Sword 咁質數o既畫面, 咁就真係正. 音樂同配音亦好出色. 成隻 game 都造得好好, style 一流, 令識玩o既玩家覺得自己打得有型, 滿足感十足. 唯一唔好係個 game 短, 大概7-8 個鐘咁上下. 不過係個 game 實在好玩, 先會令人覺得短. 其實 7-8 對動作 game 唔算好短, Devil May Cry, Metal Gear Solid, Resident Evil 3 都唔係長得幾多. 希望將來會再有同類型, 唔使 mash buttons o既動作 game.

ps, 唔記得報告, 我已經收到消息, 我 d comprehensive exams 已經及格晒. woo, 以後唔使再考o個 d 差唔多成十個鐘頭o既痴線考試.

Thursday 25 October 2007

伊藤由奈: Urban Mermaid



新 single, 有兩首新歌, Urban Mermaid 同埋 Colorful, 兩首都係快歌. 唔知點解, 伊藤由奈連出幾隻 single 都係出快歌, 冇佢之前o個幾隻成名慢歌如 Precious 同 Endless Story 咁好聽. 不過佢又靚女又唱得, 真係殺晒, 可望千秋萬載, 一統江湖. 而講返呢隻 single, 我覺得只係一般, 冇驚喜, 冇特別. 不過個封面影得幾靚.

ps, 下個星期好多o野做. 有兩個 guest lectures, 星期四考 buddhism, 星期五交獎學金個申請表, 而家考慮緊星期一好唔好去睇牙醫, 好想去搞掂埋佢唔使煩, 但係又好似好多o野做...

[新聞報導] 傳道人淫辱小教友

====================================
年幼遭性侵 愛上斷背
傳道人淫辱小教友
26/10/2007

神職人員再爆出性侵犯男童醜聞。基督教宣道會秀茂坪堂一名前傳道人,於過去二十年先後非禮三名男童和少年,最早一次侵犯一名年僅十三歲男教友並替對方口 交,及至他成為傳道人又重蹈覆轍,在寓所非禮另外兩名少年。涉案前傳道人被捕後透露自己年幼時亦曾遭性侵犯,繼而對男性產生興趣。他昨日在區域法院承認五 項非禮罪,還柙至今日判刑。

法官昨形容本案案情嚴重,案中涉及三名小教友,可見絕非單一事件,加上被告身為傳道人,在案中違反了對各事主的誠信,故拒絕應辯方要求考慮判處社會服務令。法官表明本案須重判具阻嚇性刑期,以阻嚇意圖干犯類似罪行的人士。

20年間三名少男受害
現年四十一歲的男被告馮俊業,為基督教宣道會秀茂坪堂前傳道人,惟自案件被揭後,他已於○五年十月辭職,現於貿易公司任職管理顧問。馮雖已離開教會,但昨日仍獲十多名教友到庭支持,表現一直平靜從容的他,當得悉須還柙後,即時失望得低下頭來。

被告被控共五項非禮罪名,涉及三名受害小臈友,控方分別以A、B及C來稱呼三名男事主。控罪指被告於一九八六至一九八八年間,在香港三度非禮年僅十三歲的男事主A;另被告於二○○五年間,在沙田寓所內先後非禮十七歲男事主B及十六歲男事主C,被告昨日承認控罪。

控方案情指,被告於十三歲時加入教會,並積極參與跟教會有聯繫的香港基督少年軍;他○二年修畢神學學位後,同年七月加入教會並擔任傳道人一職。直 至○五年九月,教會鄭姓牧師發現被告常鬱鬱不歡,於同月十三日經輔導及查問下,被告承認曾撫摸一名男教友下體,致令對方自此離開教會,被告於翌月辭職。

鄭於○六年十月六日與兩名男教友B和C傾談,期間二人透露於○五年間,先後獲被告邀請到其沙田寓所打遊戲機,B指被告在客廳乘他打機時,按著他肩 膀將他拉後及撫摸他的大腿,B即時伸腳推開被告,不料當晚二人同床共枕,B睡醒時發現被告捉緊其身體,撫他腹部,一邊隔褲摸他下體,B為免繼續被侵犯,即 時轉身擋開,被告見狀停手。

誘返家打機同床共枕
教友C亦透露,當時十六歲的他在○五年八月獲邀到被告寓所打機,期間被告曾撫他背部數分鐘,事後二人同睡一床,期間被告撫摸C的腹部及伸手入其褲襠圖撫其下體,當被告觸及C的陰毛時,C即轉身以背擋開被告,被告見狀擁著C入睡。

鄭於同月十一日報警,警方翌日到被告的單位將其拘捕,警誡下被告承認曾五度非禮三名事主。警方事後聯絡A,對方透露於十一歲時結識被告,兩年後當二人同床時,被告兩度伸手入其褲襠撫其下體,更曾替他口交,但因事件太尷尬,A未有報警,但自此便無返教會。

案件編號:DCCC 571/07
====================================

睇怕不論明光社發起幾多無聊投訴, ban 幾多書籍、節目, 對社會風氣o既影響力都唔及呢 d 教會案件o既十萬分之一.

Sunday 21 October 2007

mihimaLIVE



星期三係考德文o既大日子, 如果今次個 challenge test 過關, 咁下個 sem 就唔使浪費時間讀德文. 所以呢兩日都勁讀德文, 文法都冇乜o野好溫, 又唔知要翻譯乜o野, 所以背生字都幫唔到幾多. 所以唯一有用就係多 d 練習, 翻譯 d 同平時返學讀書有關o既 journal articles, 呢兩日都係做 d 咁o野.

尋晚臨睏, 就開o左隻到手一排都係未得閒睇o既 dvd 睇睇. 係 mihimaru GT 舊年o既演唱會, 唱十七首歌, 個場地唔大, 好似香港商台搞o個 d 拉闊咁上下. 氣氛一流, 因為佢地 d 歌全部都係 party 歌, 本來就適合聽現場, 再加上兩個主音都表現唔錯, 冇蝦碌, 冇 rap 到甩晒嘴. 特別鍾意把女聲, rap 又得唱又得, 而且本身音色特別, 一聽就知係佢.

我好鍾意呢隻碟, 睇完心情都好少少, 有減壓作用. 其中一隻我鍾意o既歌, 隻 MV 亦拍得精采:

Saturday 20 October 2007

Shibajun Tour 2007







上個星期訂o個隻柴田淳 dvd 早兩日到o左, yesasia.com 真係幾快手. 個 concert 唱o左大概 15-18 首歌咁上下, 冇細心數到. 個場地幾靚, 個台好細, 但係好有演奏會 feel, 幾夾柴田淳個風格. 柴田淳唱歌當然係好聽, 不過有 d 我好想聽o既歌佢都冇唱到, 不過又難怪, 事關佢都算出道多年, 唱唔晒咁多歌. 比較得意係佢唱o個幾首 Tennis 王子樣o既主題曲, 節奏比較快, 同佢其他歌唔同, 佢好似想跟隻歌有少少動作咁, 但係又唔識 un, 好搞笑.

柴姊氣質真係一流, d 衫加埋佢個樣, 好似成個古代人咁, 影相仲做 v 字手勢...

Tuesday 16 October 2007

Goodbye My Love

Miku, Fatal Frame, 再見 lar.

官方正式發表, 我最鍾意玩o既其中一隻 game: Fatal Frame, 將會o係 wii 度出第四集. 呢個系列好正, 角色得人鍾意, 氣氛一流, 真係恐怖到無論, 我鍾意呢個系列多過其他人擁戴o既 Resident Evil 同 Silent Hill. 不過既然而家你要玩o野, 想搬, 咁我地亦唯有和平分手. 雖然我係如此深愛著 Miku, 但係我唔會為佢買部 wii 返o黎. 因為我o係 gamecube 上面已經中過招, d 打鼓 game、party game, 只係開頭會覺得過癮, 不過好快就會玩厭, 非我族類.

Monday 15 October 2007

長瀬実夕: Key



當年 ZONE o個個細路仔 miyu 最近出o左隻個人 single, 有兩首歌, Key 係快歌, Thanks to You 係中板慢歌. 我自己就比較鍾意 Thanks to You. 水準一般啦, 佢把聲一向唔錯, 兩首歌又唔係難聽, 不過亦並非有乜特別, 同 ZONE o個 d 正歌水準相差甚遠. 所以要憑呢兩首歌上返以前 ZONE 個位應該係冇可能. 同埋佢而家大個o左個樣怪怪地咁, 睇唔慣, 又唔係靚, 但係又冇以前細個咁得意.

陳乙東

============================================
陳乙東有意參加立法會補選 (星島) 10月 15日 星期一 11:52AM

有「巴士阿叔」稱號的男子陳乙東表示,計劃參加立法會港島區補選。他早上去到選舉事務處領取報名表及提名表格,他表示有信心在截止提名前,爭取到足夠提名,參加補選。陳乙東表示,參選是要繼承癌症病逝的立法會議員馬力的遺志,如果他當選,會積極爭取2012年普選行政長官,以及成立扶貧議會,改善扶貧政策。


============================================



嘩, 精彩喎, 希望阿叔真係參選, 如果我o係香港, 我會提名佢o架.

Sunday 14 October 2007

Transformers



好多人都話 Transformers 好睇, o係 imdb 上面亦有高分. 不過睇完, 都覺得不外如是 je. 娛樂性係好, 打到甩脾, 不過亦唔係人地講到咁經典. 尤其係對男女主角, 好憎佢地. 個女o既就懶 hot, 不過我就覺得好樣衰. 個男o既, 我一向都唔鍾意佢, 上次睇佢做 Disturbia 睇到想中途熄機咁滯.

不過 d 自細睇 Transformers 大o既西人可能會覺得 d 變形金剛好型, 童年幻想成真, 就好似 d 香港仔特別鍾意玩 d 高達 game, 係一種懷舊 feel. 我睇都覺幾型o既, 不過好似 d 奸狗金剛似乎型過 d 忠直金剛喎, 又識變飛機又識變坦克, 唔似 d 正義朋友咁只係變貨車跑車.

Saturday 13 October 2007

千嬅唱舊歌



呢隻碟, 一睇個封面, 影得咁樣衰, 碟名又怪又求其, 再加上係舊公司出o既, 第一印象就係唔慌有乜好o野, 睇怕都係舊公司見楊千嬅開演唱會, 又出返 d 以前錄落 d 舊貨, 賺返筆, 同發死人財差唔多.

點知聽落又唔差喎. 當然唔係隻隻翻唱o既都好聽, 有好幾首都係個編曲做得唔好, 改到比之前仲差, 令人有搵o野o黎搞o既感覺. 要特別一提係掩眼法改o左之前藍鞋子 d 歌詞, 但係作詞唔知係邊個o黎, 寫得仲差過 stephy, 佢都算好o野. 不過亦有翻唱得好聽o既, 我最鍾意"情歌", 呢首我覺得好聽過晒佢o係新公司o個 d 新歌. 鬼咩, o係新公司由黎明幫佢選歌, 實死啦, 睇下黎明 d 女朋友就知呢條友品味好有問題.

Friday 12 October 2007

Hostel 2


我鍾意睇驚嚇殺人片, 但係我唔鍾意 Hostel 第一集, 血腥得o黎故事太弱, 而且其實冇乜驚嚇氣氛, d 主角又唔係可愛, 死唔死都冇乜所謂, 角色只係"人肉", 而唔係人. 第二集都唔差得好多, 血腥程度輕o左少少, 但係個故事依然係唔吸引, 亦冇乜好驚, 睇o個時唔會覺得好緊張. 認真麻麻.

個結局係幾有趣, 因為齣電影開頭就話俾觀眾知, 走得甩都冇用, 最後都要死, 個女主角點做先可以活命會係個有趣o既問題. 不過, 觀眾 (例如我) 其實未必會關心個女主角o既生死, 呢個懸疑點變成落空.

Wednesday 10 October 2007

免費書: Life After Death



今日收到本免費 hardcover 厚書, 係 Alan Segal o個本 Life After Death: A History Of The Afterlife In Western Religion. 因為今個 sem 我要 TA o個科就係用呢一本書. 正呀, 雖然好多人都話呢本書寫得麻麻, 因為佢個 scope 太廣, 乜都講, 但係太多資料就會亂. 不過免費又無所謂喎, 得閒無事我都會睇下, Alan Segal 都算係聖經研究圈子名人, o吾係二打六.

Tuesday 9 October 2007

過三關

嘩, 頭先o係 msn 度見到阿 Reed, 佢同我講, 話已經改o左我個 mishnaic hebrew 個 test:

you did very well indeed! be assured that you passed with flying colours. there were a couple places where you could have translated more smoothly, but only one real mistake.

呼, 搞掂一樣麻煩o野. 而家仲等緊新約 comp. 個結果, 希望 ok 啦. 仲有, 聽日應該會派返 buddhism 個 test. 其實個 test 我係試o既, 但係上個星期做o個時唔知道最後o個頁後面仲有幾題 essay, 所以搞到唔夠時間好好作答, 最後幾題 essay 得十五分鐘求其寫 d o野. 聽日睇下點囉.

之後十月廿四仲要兩粒鐘德文. 唉, 今年真係好鬼多o野做, 個個禮拜都有o野考, 唔止過三關, 三十關都有, 好辛苦.

Saturday 6 October 2007

好多o野做

開學以來已經做o左好多o野, 考完第二輪 comps. 啦, 考o左 mishnaic hebrew 啦, 完成o左 OGS 個 application 啦, 考o左 buddhism 第一個 test, 但係跟住o黎仲大鑊, 仲有好多o野要做.

- 十月中咁上下要考德文. 暑假讀o個 d 已經唔記得晒啦, 要溫返.
- 十月尾阿 Reed 會返o黎幾日, 我地會傾下我個論文點搞.
- 十月尾要 lecture 兩堂, 一堂講死海古卷, 一堂講以斯拉四書
- 十月尾要交個 thesis statement.
- 十一月頭要交 SSHRC 個 application.
- 十一月頭考 buddhism 第二個 test.
- 十一月中 buddhism paper due.
- 十二月考 buddhism final.
- 十二月交下年 CSBS conference 個 proposal.
- 十二月交份寫好o既 paper 俾下年o個個 Enoch Seminar.
- 十二月交寫好o個 d dictionary article, 我打算寫 aqedah, 500 字, 超難寫.
- 再加上要改 midterm, 改 final...

Wednesday 3 October 2007

暖暖




今日痞子蔡 post o左暖暖第十六個 chapter, 亦係故事結尾. 我覺得今次痞子重拾返佢好耐之前o既心傷 feel, 因為夜玫瑰, 亦恕與珂雪, 孔雀森林都唔會令人覺得心 up, 同佢之前o個 d 雨衣, 洛神紅茶好唔同. 我覺得呢個係痞子蔡o既專長, 唔知點解, 佢o既故事就係會令人睇到心酸, 覺得好難過, 但係作為讀者又覺得好滿足. 今次呢本新書我有呢個 feel, 尤其係最後o個幾個 chapters. 我鍾意今次暖暖多過亦恕與珂雪同埋孔雀森林.

過癮o既係, o係痞子個 blog 度睇到好多人o既留言, 話點解個結局冇尾. 其實好明顯有尾啦, 係 d 人唔能夠接受呢個令人心碎o既結局, 所以詐睇唔到 je. 佢地應該接受現實啦, 最後o個個 paragraph 講到明:

我和暖暖都是平凡人,有單純的喜怒哀樂,也知道幸福必須追求與掌握。
或許有少許的勇氣去面對困境,但並沒有過人的勇氣去突破或扭轉困境。
時代的洪流會將我沖到屬於我的角落,暖暖應該也是。
我們會遙望,卻沒有游向彼此的力氣,只能慢慢漂流,直到看不見彼此。

Tuesday 2 October 2007

PSP + Valkyrie Profile



早兩日出去買o左部最近出o既新版 psp, 銀色, 連埋隻 game 同埋幾集我唔會睇o既卡通片, 同埋一張 1gb o既記憶咭. 我決定想買係因為睇到消息, psp 將會有 d rpg 我都幾想玩返, 包括 FF Tactics, Star Ocean 1+2, 等. 部機本身個顏色冇張相咁靚, 銀得o黎摸上手唔係金屬o既感覺, 不過又唔怪得佢, 因為如果真係金屬, 咁就一定重好多. 個畫面好正, d graphics 同一般 ps2 games 有得比. 可惜係我唔識點樣o係部 psp 度用 psone emulator. 遲下睇下有冇辦法可以玩到 ps1 d game, 不過聽講好複雜.

我買o既第一集 game 係 psone o既經典 rpg Valkyrie Profile. 玩o左幾粒鐘, 都幾o岩玩. 不過最唔好係太少 save point, 周不時要不停直玩超過半個鐘先去到下一個 save point, 好唔適合帶出街玩. 唔明點解佢唔俾任何地方都可以 save.

Monday 1 October 2007

買書睇




上個星期o係 amazon 訂o左兩本書, 都係我會鍾意睇o既. 一本係 James Kugel 出o既超厚(但係唔貴!)新書, 叫做 How to Read the Bible. 我睇o左少少, 個開頭真係寫得好有趣, 講 BDB 其中一個 editor 點樣由一個教會屬靈人到最後被教會踢走, 帶起人對探討 scholarship 同 church 之間o既關係. 我只係睇o左好少, 所以未知後面會點, 但係 James Kugel 一向寫o野都正. 同埋佢寫得好易明, 任何人都會o岩睇.

另一本係 Craig Evans o個本新版 Non-canonical Writings, 今次個書名改o左少少, Ancient Texts for New Testament Studies, 不過基本係舊書翻新, 不過厚o左好多, 有幾個 chapter (尤其係死海古卷) 加長o左好多. 買 Kugel o個本係因為我想睇佢寫乜; 買 Evans o個本係因為佢係一本好用o既工具書. 兩本都係好o野, hardcover 厚書o黎講唔算貴.

Saturday 29 September 2007

Childrens do learn

NEW YORK (Reuters) - Offering a grammar lesson guaranteed to make any English teacher cringe, President George W. Bush told a group of New York school kids on Wednesday: "Childrens do learn."

Bush made his latest grammatical slip-up at a made-for-TV event where he urged Congress to reauthorize the No Child Left Behind Act, the centerpiece of his education policy, as he touted a new national report card on improved test scores.

The event drew New York Mayor Michael Bloomberg, Education Secretary Margaret Spellings plus teachers and about 20 fourth and fifth graders from P.S. 76.

During his first presidential campaign, Bush -- who promised to be the "education president" -- once asked: "Is our children learning?"

On Wednesday, Bush seemed to answer his own question with the same kind of grammatical twist.

"As yesterday's positive report card shows, childrens do learn when standards are high and results are measured," he said.

Thursday 27 September 2007

百變張韶涵 DVD


上個星期訂o個隻張韶涵演唱會 dvd 到o左啦. 隻碟音色一流, 有 5.1, 張韶涵表現亦一流, 唱 live 把尖聲好有 feel, 非常出色. 但係畫面上o既處理就遜色得多.

首先, 畫面唔係 wide-screen, 所以o係部 HDTV 上面睇, 張韶涵塊面會向橫拉長o左, 怪怪地. 仲有, 亦係一個好奇怪o既缺點, 呢隻 dvd 成日o係演唱會唱緊歌當中 cut d MV o既畫面入去, 搞到似睇 MV 多過睇緊一場演唱會. 其實佢係 cut 得幾好, 係幾靚, 不過問題係咁做法會打斷演唱會o既現場氣氛, 可謂非常多餘o既做法, 令到呢張 concert dvd 大幅跌 volt, 扣好多分. 呢個情況o係 dvd 前半比較嚴重, 去到 annoying o既地步, 後半可能個導演開始懶, 反而令演唱會後半變得比較好睇.

Shibajun



尋日o係日本 amazon 見到原來柴姊柴田淳出o左張 2007 tour o既 dvd, 已經被我列為必買o既羅致物. 不過 yesasia 仲未有, o係 amazon 買又好似好麻煩, 考/肥埋聽日個希伯來文試先睇下點. 嘩, 不過正呀, 因為好少睇柴姊唱 live o既片段, 一定好正.

Wednesday 26 September 2007

OK, this is the best!

痞子蔡論簡體字:

「幹」、「乾」簡化後都是「干」,如果有天我當了書店員工,
看到一本小說叫《我干妹妹的故事》,干是動詞?還是形容詞?
我怎麼知道要把它擺進情色文學區?還是青春小說區?

暖暖 (5)

Hahaha

陳金扁、陳木扁、陳水扁、陳火扁、陳土扁。

達文東、達文南、達文西、達文北。

Waahahahaha, that's a good one, way to go 痞子!!!

痞子回歸

今個星期五會考 mishnaic hebrew, 朝早九點考到下午一點, 驚到死, 因為呢幾日不斷練習, 覺得真係好難, 變成舊約聖經 d 希伯來文好似兒童故事書咁平易近人. 唉, 都冇乜做到啦, 唯有頂硬上啦.

呢個學期真係好慘, 冇o野係順o既, 再係咁落去真係割脈算鬼數...

不過頭先終於見到有令我覺得開心, 死o左就冇得 enjoy o既o野: 痞子蔡開始o係網上 post 新書啦! 今次佢o係佢自己個 blog 度 post, 所以唔使好似以前咁周圍搵. 辣鬼媽媽, 而家痞子蔡出書, 仲邊得閒理得考試咁多? 話知佢啦, 睇晒先算!!!

Woohoo, 又可以好似以前咁日日返屋企就 check 下有冇出新文o個種頂癮感覺 lu. 呢個係買書睇感覺唔到o既珍貴經驗.

Tuesday 25 September 2007

柴田淳: Colorful




柴田淳 d 歌一向都有 d 柴記特色: 1) 好多歌都比較長, 閒閒地五、六分鐘長, 2) tempo 超慢, 好聽得o黎有 d 催眠作用. 呢隻 single 都有呢 d 特色, 不過 track 1 首 colorful 個 tempo 比較快 d. 柴田淳 d 歌好少有會令人覺得唔好聽, 因為佢個 style 就係把聲取勝, 唱乜歌都係把聲大晒, 所以呢隻碟都一樣, 感覺唔錯.