Friday, 13 February 2004

情人

時近"情人節", 應該寫一篇有關呢個節日o既文章.

以我愚見, 情人節乃係一個見不得光o既節日, 完全不適合情侶或者夫婦之間祝賀. 絕對係可免則免者, 最好連提都唔好提.

我自己作為一個男仔, 同我拍拖o既就係我"女朋友", 同我結婚, 一世食住我o既就係我"老婆", 不論點叫都唔可能係"情人"囉, 咁我又點可以同一個唔係我"情人"o既人過"情人節"呢? 如果我有一個"情人", 咁我咪即是獨自去偷歡?

邊個會過"情人節"呢? 當然係有情人o個d 死佬啦. "情人"也者, 一就係狐狸精, 一就係衣櫃裡的男人. 乃係"二奶"o既一個另類講法. 例如, 一個大肚腩老闆o係香港有一個正室, 名媒正娶者, o係大陸又包有一個二奶, 無媒苟合者; 正室就當然係"老婆" (或"黃面婆") 啦, 二奶先會叫做"情人"o架嘛. 難怪所有包二奶o既麻甩佬於情人節當日都會同老婆話公司開會, 然後去同情人歡度一夜. 可見之傑並非一味胡扯.

換句話講, "情人節"係一個並不適合拖友或夫婦祝賀o既日子, 因為"情人"跟本就係正派女子o既命中死敵.

基督徒過情人節就直頭係有失見證 tim 啦. [哈哈, 又加多一個"失見證"o既例子]

0 comments: